Nus essan encunter!

70 onns AVS – da la smaladicziun a la benedicziun.

Ils 6 da fanadur 1947 han ils Svizzers approvà l'Assicuranza da vegls e survivents AVS. In exponent da la campagna da votaziun en Surselva era il spiritual Carli Fry. Sut il titel NUS ESSAN ENCUNTER ha el persvadì ils lecturs sursilvans da la Gasetta Romontscha da sbittar l'assicuranza. Era giu da la scantschala fascheva el propaganda da votaziun e blers schevan perfin rusari encunter l'assicuranza.

L'AVS – da la smaladicziun a la benedicziun per blers purs e mastergnants che vivevan avant en povertad, ma glorifitgavan la libertad e l'independenza.