Spiritualitad per spierts libers – nov cudesch da Lorenz Marti

Lorenz Marti, anteriur redactur da religiun da radio SRF, ha scrit in nov cudesch: Spiritualitad per spierts libers – il titel. Quai èn ponderaziuns sur da temas sco la libertad, il senn da la vita, religiun e lura surtut la spiritualitad che n'è per Lorenz Marti betg il medem sco religiun.

Il cudesch è cumparì quest atun ed è in da blers auters da Marti, sco per exempel Sternenstaub u Il compass intern. En noss'emissiun preschentain nus ses nov cudesch.