Pertgei fa ina firma che producescha autos termagls cun legos? E co fan ins atgnamein autos da ruschnar? Nus vein mirau co quei va.

Co as poja prodüer curraint oter co cun roudas da vent o cun tets solars? E dingionder deriva insè il chod d’üna pigna? Quai vaina vuglü savair precis.

Igl dat tàntas bealas schieslas da tutas calurs a cun diferaints musters. Mo co tgatan quels musters anzuma la veia sen quelas culetas pintgas? A co san ign gravar veder. Nus vagn egn’ea prieu quegl sut la mareala.

Pizza maglian biars bugen. Mo tgei far, sch'ins ha magliau il venter plein ed ei resta tuttina aunc in toc pizza? Forsa pachetar quel en folia d'alumini? Nus vein intercuretg ina ga pli exact la folia e savein ussa pertgei ch'ina vart dalla folia tarlischa e l'autra buc. E nus mussein oz co vus save

Tge dattigl or d’ena planta tg’è neida terada? Forsa ena sieir per sfender lenna dad arder? Nous az mussagn, scu tgi ena planta vign tarada e scu tgi la lenna obtigneida so neir elaborada.

In chadafö as po druver bgeras bellas culuor da vivandas. Ma cu vegnan quistas insomma fattas? Que vainsa guardo pü precis. Ed ultra da que mussainsa cu cha vain prodot lacriza.

Portgs produtgeschan electricitad? E vent er? Ea! E scu tgi chegl funcziunescha, vainsa scuvert per vusoters.

Uschia ina curuna auta enconuschan tuts, ma co montesch'ins atgnamain ella? Nus avain montà ina per vus.

Vo cugnuschaivat sgür eir quists uorsins lommins chi brunclan. Ma co funcziuna quai? Dingionder vain il brunclöz? E co vegnan insè fats uorsins da gomma? No vain vuglü savair quai plü precis.

Co vesa in daguot da plievgia propi ora, cura ch'el croda giu da tschiel? E cura che la tiara ei bletscha, eis ei pratic da ver stivals da gummi. Nus vein intercuretg pli exact per vus ils daguots da plievgia ed ils stivals da gummi.

Uschia in chalzer da dunnas vesa ora cumplitgà, ma uschè cumplitgà n'è el gnanc. Nus mussain a vus co ch'in tal chalzer vegn producì.

Pertge è igl savung schi nizevel per lavar igls mangs e scu funcziunescha ena savunareia? Nous Az mussagn tge tg’igl savung fò sen igls noss mangs e scu tg’el vign ansomma or dalla savunareia.

Utschals e gats ein animals fetg schubers. Mo co schubregian ils utschals insumma lur ignivs? E co fan ins atgnamein sternem per gats? Quei mussein nus oz a vus.

Co vean propi fatg sglatsch sétg? A co funcziunescha egna super-retardader? Nus vagn egn’ea observo quegl.

LEDs fan bel cler. Ma co funcziunan insè quistas glüminas ed ingio as rechattna dapertuot? Quai vaina vuglü savair plü precis.

Con clar fan insumma baus cazzola e co envidan ins spert tut las candeilas en ina gronda sala? Nus vein empruau da sclarir quei. Ei daventi glisch.

I vez franc gio scretg cun en culli. Pero, scu funcziunescha’l ansomma? E tge utensils da screiver dalla scola cunaschez anc?

Il squitsch 3D è ina da las pli novas metodas da squitschar. Ma co funcziuna quai atgnamain? E co producesch'ins ina figura che vesa ora sco in urs da glatsch? Da questas dumondas essan nus ans occupads.

Per cusir voula üna guoglia. Ma co mâ as faja üna tala guoglia? Gnit cun no in üna fabrica e guardain plü precis, co cha quai va. No lain savair implü, co cha arogns fan lur tailas.

Par schel da tgavels, schel d‘ùnglas, lac dad ùnglas a cotschen da leavzas dovr’ign egn crap da mica. Mo co vean tut quegl produtgieu? Nus vagn stgieu easser da la partida tier las producziùns.