La mieur per rumantsch
Invenziuns grondiusas
Co as poja prodüer curraint oter co cun roudas da vent o cun tets solars? E dingionder deriva insè il chod d’üna pigna? Quai vaina vuglü savair precis.Quest video n'è betg disponibel en voss lieu.
Autos per pign e grond
Pertgei fa ina firma che producescha autos termagls cun legos? E co fan ins atgnamein autos da ruschnar? Nus vein mirau co quei va.Quest video n'è betg disponibel en voss lieu.
Cler sco egn veder
Igl dat tàntas bealas schieslas da tutas calurs a cun diferaints musters. Mo co tgatan quels musters anzuma la veia sen quelas culetas pintgas? A co san ign gravar veder. Nus vagn egn’ea prieu quegl sut la mareala.Quest video n'è betg disponibel en voss lieu.
Delizchas da culur
In chadafö as po druver bgeras bellas culuor da vivandas. Ma cu vegnan quistas insomma fattas? Que vainsa guardo pü precis. Ed ultra da que mussainsa cu cha vain prodot lacriza.Quest video n'è betg disponibel en voss lieu.
Attenziun! Planta croda!
Tge dattigl or d’ena planta tg’è neida terada? Forsa ena sieir per sfender lenna dad arder? Nous az mussagn, scu tgi ena planta vign tarada e scu tgi la lenna obtigneida so neir elaborada.Quest video n'è betg disponibel en voss lieu.
Bien appetit!
Pizza maglian biars bugen. Mo tgei far, sch'ins ha magliau il venter plein ed ei resta tuttina aunc in toc pizza? Forsa pachetar quel en folia d'alumini? Nus vein intercuretg ina ga pli exact la folia e savein ussa pertgei ch'ina vart dalla folia tarlischa e l'autra buc. E nus mussein oz co vus saveis preparar sezs in buontad ketschup.Quest video n'è betg disponibel en voss lieu.
Observà ed empruvà
Uschia ina curuna auta enconuschan tuts, ma co montesch'ins atgnamain ella? Nus avain montà ina per vus.Quest video n'è betg disponibel en voss lieu.
Nateira nizevla
Portgs produtgeschan electricitad? E vent er? Ea! E scu tgi chegl funcziunescha, vainsa scuvert per vusoters.Quest video n'è betg disponibel en voss lieu.
Uorsins predilets
Vo cugnuschaivat sgür eir quists uorsins lommins chi brunclan. Ma co funcziuna quai? Dingionder vain il brunclöz? E co vegnan insè fats uorsins da gomma? No vain vuglü savair quai plü precis.Quest video n'è betg disponibel en voss lieu.
Tschenderletga
Uschia in chalzer da dunnas vesa ora cumplitgà, ma uschè cumplitgà n'è el gnanc. Nus mussain a vus co ch'in tal chalzer vegn producì.Quest video n'è betg disponibel en voss lieu.
Ei plova, la tiara vegn bletscha
Co vesa in daguot da plievgia propi ora, cura ch'el croda giu da tschiel? E cura che la tiara ei bletscha, eis ei pratic da ver stivals da gummi. Nus vein intercuretg pli exact per vus ils daguots da plievgia ed ils stivals da gummi.Quest video n'è betg disponibel en voss lieu.
Higiena è impurtanta!
Pertge è igl savung schi nizevel per lavar igls mangs e scu funcziunescha ena savunareia? Nous Az mussagn tge tg’igl savung fò sen igls noss mangs e scu tg’el vign ansomma or dalla savunareia.Quest video n'è betg disponibel en voss lieu.
Invüda la glüm!
LEDs fan bel cler. Ma co funcziunan insè quistas glüminas ed ingio as rechattna dapertuot? Quai vaina vuglü savair plü precis.Quest video n'è betg disponibel en voss lieu.
La schubradad dils animals
Utschals e gats ein animals fetg schubers. Mo co schubregian ils utschals insumma lur ignivs? E co fan ins atgnamein sternem per gats? Quei mussein nus oz a vus.Quest video n'è betg disponibel en voss lieu.
Prozeders spezials
Co vean propi fatg sglatsch sétg? A co funcziunescha egna super-retardader? Nus vagn egn’ea observo quegl.Quest video n'è betg disponibel en voss lieu.
An scola
I vez franc gio scretg cun en culli. Pero, scu funcziunescha’l ansomma? E tge utensils da screiver dalla scola cunaschez anc?Quest video n'è betg disponibel en voss lieu.
Tecnica moderna
Il squitsch 3D è ina da las pli novas metodas da squitschar. Ma co funcziuna quai atgnamain? E co producesch'ins ina figura che vesa ora sco in urs da glatsch? Da questas dumondas essan nus ans occupads.Quest video n'è betg disponibel en voss lieu.
Baus cazzola, candelabers
Con clar fan insumma baus cazzola e co envidan ins spert tut las candeilas en ina gronda sala? Nus vein empruau da sclarir quei. Ei daventi glisch.Quest video n'è betg disponibel en voss lieu.
Fil e guoglia
Per cusir voula üna guoglia. Ma co mâ as faja üna tala guoglia? Gnit cun no in üna fabrica e guardain plü precis, co cha quai va. No lain savair implü, co cha arogns fan lur tailas.Quest video n'è betg disponibel en voss lieu.
Spievel, spievel ved pare
Par schel da tgavels, schel d‘ùnglas, lac dad ùnglas a cotschen da leavzas dovr’ign egn crap da mica. Mo co vean tut quegl produtgieu? Nus vagn stgieu easser da la partida tier las producziùns.Quest video n'è betg disponibel en voss lieu.
Bun viedi
Vais già üna vouta guardo pü precis cu cha pneus guardan our? Els haun üna surfatscha tuot speciela. Che cha quella porta e scha autos savessan eir ir be sulet, que vainsa piglio suot la marella.Quest video n'è betg disponibel en voss lieu.
Il vestgiu fa igl um/la dunna
Co vegn la launa atgnamein colurada? Nus essan stai en ina tenscharia da launa e declarein a vus co quei va. E nus mussein oz a vus co vus saveis faldar il pli spert vies t-shirt.Quest video n'è betg disponibel en voss lieu.
Bel cler
Tge è atgnamaintg OLED (engles: organic light emitting diode)? E scu funcziunescha ena lampa da cassatga? Chegl vainsa examino.Quest video n'è betg disponibel en voss lieu.
Previsiuns da l'aura
Essas vus era gia as dumandads co ch'ins fa la plievgia da films? Nus avain observà quai pli exact per vus. Ed anc insatge as mussain nus oz: numnadamain co ch'ins fa las previsiuns da l'aura.Quest video n'è betg disponibel en voss lieu.
Piztgadas
Aua. Quei ei git. Daco ch'in erizun drova spinas e co ins fa ina stitgetta gita, quei lein nus mussar oz a vus.Quest video n'è betg disponibel en voss lieu.
La gomma e sias qualitads
Da che material consista insè üna gomma? Quista resposta chattaina a Malaysia. Implü laina verer üna jada, co chi’s cumada üna s-chala rodlanta.Quest video n'è betg disponibel en voss lieu.
Sgular e bi
Aschei’egn aviùn pesa ànc detg avunda, mo tutegna sa’l sgular. Quegl levan nus egn’eada saver ampo ple exact a vagn ear ànc cato davur co ca quegl va a tge c’e la funcziùn digl mecanissem a tiblas.Quest video n'è betg disponibel en voss lieu.
A l’interiur dal telefonin
Che capita insè cun telefonins vegls chi nu funcziunan pü? Que nu’s vess in mincha cas na da bütter davent els. Nus vains üna vouta guardo cu ch’ün telefonin vain reciclo. Ultra da que gnis vus a savair cu cha’l vibrer dad ün telefonin funcziuna.Quest video n'è betg disponibel en voss lieu.
Lunsch sut la tiara
Lunsch sut la tiara dat ei bia da scuvierer. Cun far excavaziuns san ins denter auter anflar fastitgs da dinosaurs. Tgei che nus savein emprender cun agid da fossils e tgei ch'ins sa tut far cun in cavatiara, quei lein nus mussar oz a vus.Quest video n'è betg disponibel en voss lieu.
Animals aint igl gôt
Las cornas d’en tscherv son neir imens grondas. Pero scu creschigl atgnamaintg? Nous vagn perscruto chegl e pinavant tgittainsa cun vusoters sot en crap per vaseir tge animals tg’èn lò.Quest video n'è betg disponibel en voss lieu.
Trics da la natira
Tge è launa da papla? E pertge è la cua dals stgilats uschè spessa? Nus essan ì a fund a quellas dumondas.Quest video n'è betg disponibel en voss lieu.
Ahoi, la bartga!
Ins sogl construeir ena bartga da palpieri gigantica e perfign nudar cun chella sen l’ava? Nous vagn ampruo chegl e nous cattagn or, scu tgi flux e reflux sa furman.Quest video n'è betg disponibel en voss lieu.
Creatività cun laina
Da laina as poja far blera bella roba ed eir roba nüzzaivla. No eschan stats preschaints per vo a duos producziuns da laina.Quest video n'è betg disponibel en voss lieu.
Sül pajais
No vain guardà üna jada ün pa plü precis illa natüra e chattà oura, co chi’s vezza che mail chi’d es madür e co cha chavals dorman insè.Quest video n'è betg disponibel en voss lieu.
Ve digl firmamaint
Cunaschez la constellaziun digl Orion e l’istorgia tg’è davostiers? Nous contemplagn cun vusoters igl tschiel steilia ed az mussagn, scu tgi en artg son Martegn sa furma.Quest video n'è betg disponibel en voss lieu.
Producziuns interessantas
Co fan ins atgnamain limunada frestga? E co producesch'ins ina spungia, per il cas ch'insatge va ina gia dasperas? Nus essan stads a guardar co ch'ils differents products vegnan fatgs.Quest video n'è betg disponibel en voss lieu.
Ova inavaunt e marsch!
Perche sun tschertas chesas ascras zieva la plövgia e cu funziuna vairamaing üna pistola d’ova? Que vainsa piglio suot la marella. Ova marsch!Quest video n'è betg disponibel en voss lieu.
Sin l’aua
Bartgas èn tuttas tuttina? Na, n'èn ellas betg. E pertge ch'ellas n'èn betg tuttas tuttina avain nus constatà cun agid d'in canu e d'ina ina bartga da betun.Quest video n'è betg disponibel en voss lieu.
Dai, fai in gol!
Gooool! Gooool! Ni tuttina buc? San roboters dar ballapei e co fan ins atgnamein in tschespet artificial? Tut quei vein nus mirau empau pli exact.Quest video n'è betg disponibel en voss lieu.
Aint il stadion da ballapè
Sainza striblas sün üna plazza da ballapè nu füssa uschè simpel da giovar a ballapè. Ma co vegnan insè fattas quistas striblas sül pas-chet? E co as faja las sopchas plajablas d’ün stadion? Tuot quai eschna gnüts a savair.Quest video n'è betg disponibel en voss lieu.
Sut la mar
Egn octopus â otg bratschs lùngs a quels san easser pulit nizevels. Partge? Quegl vainsa testo a plenavànt mussainsa a vus, tge d‘interess ca’s vagn cato a la riva a danunder ca quegl vean.Quest video n'è betg disponibel en voss lieu.
Fi artifizial intensiv
Scu ins construescha atgnamaintg en fi artifizial e scu son neir creadas figuras tar en fi artifizial? Chegl ans vainsa dumando e catto las raspostas tar la fabricaziun.Quest video n'è betg disponibel en voss lieu.
Che pizcha e furicla?
Laura ha diabetes. Che cha diabetes es insè ed a che cha Laura sto star attent e che chi capita, sch’ün mus-chin ans pizcha, quai laina uossa savair plü precis.Quest video n'è betg disponibel en voss lieu.
Observo precis!
Cu funcziuna üna serra – üna chesina da vaider per plauntas? Perche es que uschè chod in üna serra? E perche creschan las plauntas pü svelt illa serra? Tuot que pruvainsa da chatter our ed ultra da que guardainsa, scu ch’üna talpa viva suot la terra.Quest video n'è betg disponibel en voss lieu.
Sin in prà da flurs plain colurs
Rosas savuran grondius. Ma deplorablamain va l'odur a perder, cura ch'ellas sflureschan. Nus as mussain co ch'ins po tuttina mantegnair lur odur. Ed anc insatge avain nus oz per vus: nus avain pudì ir fitg datiers da las tgirallas ed observar per vus in saut da nozzas.Quest video n'è betg disponibel en voss lieu.
Matematica ei buca grev
Savevas vus ch'ins sa dumbrar cun la detta bia pli lunsch che tochen diesch? Nus vein empruau e mussein a vus co quei va. E lu mirein nus oz aunc tgei che schabegia, sch'ina furmicla croda d'ina altezia da 30 meters.Quest video n'è betg disponibel en voss lieu.
Tempo aint igl taimp liber
Cun en longboard ins sogl esser enorm spert. Ed er la spertezza sen en carussel dad otg so esser en nara gaudi. Nous vagn examino eneda pi manedlamaintg scu tgi en longboard vign construia e pertge tg’igl carussel dad otg è schi divertent.Quest video n'è betg disponibel en voss lieu.
Fatschendas dultschas
Da stad sa’ign magliear ordafora da beal’ora. Mo igl cuza piglple betga gî tocen ca las veaspras rivan a sasurveschan da las buntads. Mo partge fani propi quegl? Nus vagn observo quegl a mussagn a vus vetier ear ànc sco c’ign produtgescha zucercandel.Quest video n'è betg disponibel en voss lieu.
