🧩 Co funcziuna il gieu?
- nus tschertgain mintga di «la chaussa»
- trais descripziuns curtas tradeschan insatge da la chaussa
- maximalmain tschintg participantas u participants per di pon empruvar d’engiavinar
- sche nagin na chatta la resposta correcta, van 20 francs en il jackpot
- il gieu cuntinuescha ed il jackpot s’augmenta, fin ch’insatgi chatta la dretga resposta e gudogna l’import dal jackpot – l’ultima schanza datti tar in jackpot da CHF 500.–, sche la chaussa na vegn lura betg engiavinada, croda quel import en il «Super Tge chaussas»
- alura cumenza il gieu danovamain: engiavinar ina nova chaussa a maun da trais novas descripziuns curtas
📞 Co sa participar?
Telefonai en il studio da Radio RTR: 0800 20 25 30
🕘 Glindesdi fin venderdi, mintgamai a las 09:45
🕙 Sonda e dumengia, mintgamai a las 10:15
🔔 Descripziuns actualas
|
la chaussa ha adina la medema colur la chaussa è visibla la chaussa è essenziala |
||
| 02-12-2025 |
da la chaussa datti differents models la chaussa ha ina funcziun la chaussa è nizzaivla |
«apparat da vacumar» |
| 16-11-2025 |
la chaussa è daventada en il decurs dals onns pli moderna la chaussa consista da differentas parts la chaussa fa senn cun in'autra chaussa |
«liadira» |
| 12-11-2025 |
la chaussa è ina regurdientscha blers han gì plaschair da la chaussa la chaussa è vegnì vendida milliuns giadas |
«Gameboy» |
🕰️ Chaussas gia numnadas
|
A: ampla artg s. Martin aua autos mellens da la posta |
|
B: bancnotas barriera betun |
|
C: cafè caum postal chascha da brevs da la posta citrun colur nera da la tv coll'alva cudeschet mellen da la posta per far pajaments curtè |
|
D: dent dratguir (trichter) |
|
E: egl giat |
|
F: farina |
|
G: glatsch glina glisch glisch blaua glisch d'ambulanza glisch da vias |
| H |
| I: |
| J: |
| K: |
|
L: laina latg levon limun |
|
M: magnesium |
|
N: naiv |
|
O: ov ovomaltina |
|
P: pastg pign pneu dil auto puck pumpa da velo pulenta |
| Q: |
|
R: rait da gol da hockey raps |
|
S: sal sang sbrinzlader schiba da parcar il auto segirada da ceramica spievel strivlas melnas sulegl |
|
T: tavlas da traffic telecumond |
| V: |
| U: |
|
V: vaider |
| W: |
| X: |
| Y: |
| Z: |
📣 Tge chaussas spezial
Da temp en temp integrain nus ina versiun speziala dal gieu. Lura betg «mo» cun descripziuns curtas– mabain per exempel era cun:
- 🎧tuns misterius
- 📍indizis da lieus
- 👤 persunalitads
... e bler auter. Las reglas restan las medemas, il gieu è per curt temp però in pau auter. Giugà vegn er il «spezial», fin che la chaussa è engiavinada, suenter cuntinuescha il gieu puspè a moda convenziunala. Tut las infurmaziuns necessarias chatt’ins ordavant sin rtr.ch e natiralmain communitgain nus quellas era sin Voss Radio RTR.
⭐ «Super Tge chaussas»
Mintgamai da Bumaun, cumenzain nus l’onn cun il «Super Tge chaussas». Cun l’agid da descripziuns curtas, vali d’engiavinar persunalitads. Da gudagnar datti la summa da bons dals jackpots da l’onn passà, ch’èn betg vegnids svidads. La summa vegn scumpartida sin quatter rundas da gieu, pia la schanza d’eruir a quatter victuras u quatter victurs. En mintga gieu san maximalmain as participar tschintg audituras u auditurs, sco adina per telefon.
