Tgi che na vuless betg dar il pled-clav sco text decifrà – saja quai che quella cumbinaziun pudess laschar lignar auters pleds-clavs u che betg l'entira runda haja access – lura pon ins era laschar communitgar ils apparats mobils in cun l'auter.
iOS: Activar WLAN e Bluetooth sin omadus telefonins, lura plazzar ils smartphones gist in sper tschel. Il giast selecziunescha il WLAN giavischà, il possessur po sut «Einstellungen» selecziunar la colliaziun activa e dar liber il pled-clav. Uschia cumpara sin il visur dal telefonin autorisà la dumonda sch'el veglia parter il pled-clav. Cundiziun è almain la versiun 11 dad iOS.
Android: Sco pessessur dal WLAN selecziunar sut «Einstellungen» il punct WLAN, smatgar sin la colliaziun activa e dir «Teilen». I cumpara in code QR. Lura po il giast er sut «Einstellungen» e «WLAN» agiuntar la nova colliaziun u scannar cun l'app da fotografar il code QR. Cundiziun è almain la versiun 10 dad Android.
Gist tar Android po la via tar il code QR variar, tut tenor marca e model dal smartphone.