Lapplicaziun «Pollen-News» mussa la situaziun da pollens cun agid da colurs. Sisum cumpara ina carta da la Svizra, e là èn da vesair tar mintgina da las 14 staziuns da mesiraziun in punct colurà. La scala va da nagin problem da pollens (verd) fin ad ina fitg ferma concentraziun da pollens (violet).
Las 14 staziuns da mesiraziun èn repartidas sur lentira Svizra. Ina sa chatta a Tavau – inautra è datiers dal Grischun, a Buchs en la Vallada dal Rain son gagliaisa. Mintga staziun mesira la concentraziun da pollens da 14 plantas ed ervas. Lapp mussa tranter auter coi stat cun ils pollens da logn, dal badugn, da fains e da lambrosia.
Betg uschè nizzaivla
Donn è che lapplicaziun sa basa sulet sin 14 staziuns da mesiraziun. Also schinsatgi è a Cuira u a Scuol – lura na gida la situaziun da pollens a Tavau betg propi mai. La rait da staziuns para schon in pau magra.
Las datas survegn «Pollen-News» da Meteo Svizra, e sin lezza pagina dinternet chattins anc dapli infurmaziuns davart la situaziun da pollens. Ina carta interactiva mussa co pliras sorts da pollens sa derasan ils proxims dus dis sur la Svizra.
Lapplicaziun «Pollen-News» datti per ils telefonins cun iOS e cun Android, ed ella è gratuita. Ins po eleger da duvrar lapp per tudestg, per talian ni per franzos.
