Mujinga Kambundji gudogna ad Istanbul als campiunadis europeics en halla la cursa da 60 meters. La Bernaisa realisescha in grondius temp cun exact 7 secundas. Segunda è Ewa Swoboda (7,09s) da la Pologna e terza la Brita Daryll Neita (7,12s).
Terz titel entaifer in onn
Per Mujinga Kambundji èsi gia il terz titel grond entaifer be in onn: Il 2022 è ella vegnida campiunessa mundiala sur la medema distanza en halla a Belgrad e campiunessa europeica sur 200 meters a Minca.