Las soras Mujinga e Ditaji Kambundji fan ina midada en vista a la proxima stagiun. Lur trenader Adrian Rothenbühler sto ir. Per el surpiglia l'anteriur sprinter Florian Clivaz, ch'è er il partenari da Mujinga Kambundji.
Las duas curridras han gì in bun onn. Mujinga ha fatg in record svizzer sur ils 100 e 200 meters ed è vegnida campiunessa mundiala en la halla, sur 60 meters. Aur ed argient ha ella fatg al campiunadi europeic a Minca. Sia sora Ditaji ha traglischà cun bronz al campiunadi europeic sur 100 meters obstachels.
Or da l'archiv