Als campiunadis mundials da snowboard freestyle a Bakuriani en la Georgia ha il svizzer Nicolas Huber fatg la medaglia da bronz en il Big Air. Gudagnà ha il Giapunais Taiga Hasegawa ed il terz plaz ha fatg il Norvegiais Mons Roisland.
Igl è stà cnap per Huber. En l'emprim percurs ha el gì ils mauns en la naiv ed en il segund percurs è el schizunt cupitgà. Il terz percurs è dentant stà fitg ferm e cunquai che be ils megliers dus percurs quintan, ha el tuttina anc cuntanschì il podest.
Quella medaglia da bronz è sia segunda en sia carriera en in campiunadi mundial. Il 2017 ha Huber gudagnà argient en il slopestyle.
