Siglir tar il cuntegn

Header

cuntegn

Christine e Remo Cologna Campiunadis mundials senza geniturs

Per l’emprima giada na san ils geniturs da Dario Cologna, Christine e Remo betg esser da la partida tar in eveniment grond. Pervia da las restricziuns na fan ils Colognas betg il viadi ad Oberstdorf

Dapi l’onn 2009 tutga Dario Cologna tar l’elita dal sport da passlung. Alura aveva il Jauer gudagnà per l’emprima giada la seria da cursa dal Tour de ski, ed uschia er il classament general da passlung. Dapi lura è il passlunghist madirà ad in dals megliers dal mund. El ha gudagnà diversas giadas il classament general da passlung, dentant er il classament da sprint, u quel da distanza.

Success tar eveniments gronds

Sper ses success en la cuppa mundiala da passlung è Cologna er stà l’atlet d’enviern svizzer cun il pli grond success insumma. Tar Gieus Olimpics e campiunadis mundials ha el gudagnà fin da qua gia set medaglias. Tschintg dad aur, e duas d'argient. Adina era da la partida tar ils grond success da Dario Cologna eran ses geniturs, Christine e Remo. Questa giada dentant desistan ils geniturs da Dario Cologna da far il viadi ad Oberstdorf. Pervi dal lockdown en Baviera renunzian ils geniturs dal sportist a la visita al lieu.

audio
Ils geniturs da Dario Cologna stattan per l'emprimga giada a chasa
03:35 min, Actualitad dals 03.03.2021.
laschar ir. Durada: 03:35 minutas.

I na va betg be per la emoziuns sportivas, mabain er per ils inscunters.
Autur: Christine e Remo Cologna geniturs da Dario Cologna

Durant la lunga carriera da Dario Cologna as han sviluppadas numerusas amicizias cun auters atlets, cun fans, dentant era cun auters geniturs. Uschia èn ils eveniments gronds, sco campiunadis mundials, adina era ina stupenta pussaivladad da s’inscuntrar. Questa giada n'è quai dentant betg pussaivel, uschia ch'i na fa era nagin senn per Christine e Remo Cologna dad ir per ils campiunadis mundials ad Oberstdorf.

RTR actualitad 11:00

Artitgels legids il pli savens

Scrollar a sanestra Scrollar a dretga