Il Tessinais da 26 onns haja suttascrit in contract da quatter onns davent da la stagiun 2022/23. Michael Fora fa er part dal cader da la naziunala svizra per la quala ch'el ha fin uss dà passa 60 partidas ed ha gudagnà cun ella argient 2018 al campiunadi mundial.
Fora ha dà sia entira carriera per il HC Ambri-Piota, cun excepziun d'in curt temp en l'America dal nord. Per il club tessinais ha el fatg 110 puncts en 291 partidas ed è dapi trais stagiuns capitani.
