Il Club da Hockey da Tavau ha battì ordaifer Ambri-Piotta cun 3:2. Uschia festivescha il HCD la 11avla victoria en las ultimas 12 partidas da campiunadi. L'emprim gol ha Tavau fatg suenter 17 minutas, il segund gol hai dà en la 33avla minuta. Per la terza giada, hà tutgà Mathias Bromé en l'ultim terz dal gieu. Grazia a quella victoria è il HC Tavau uss da nov sin l'emprim plaz en la tabella. Tavau ha 46 puncts ed è 1 punct avant Fribourg e Bienna. La proxima partida en la liga naziunala, gioga il HCD lura ils 19 da november. Lura spetga cun Ajoie l'ultim en la tabella.
Ils ulteriurs resultats
- Berna gudogna cunter Lugano cun 3:1 .
- Genevra perda cunter Ajoie cun 3:4 suenter sajettar penaltis.
- Zug perda cunter ils Lakers gist cun 0:3.
