Fabrizio Cavegn vul er dar il 2026 per il FC Vaduz. Il giugadur da 21 onns ha prolungà ses contract cun il club en la Challenge League per in onn, scriva il FC Vaduz en ina communicaziun. Il Lumnezian è dapi la stad part da l'equipa dal Liechtenstein.
Cavegn ha sajettà en ses emprim mez onn tar Vaduz en 18 gieus da campiunadi 4 gols e dà 3 assists. Plinavant ha el er sajetà in gol en la qualificaziun per la Conference League. El n'haja duvrà insumma nagin temp per s'endisar suenter sia midada dal FC Son Gagl, di il schef sport da Vaduz, Franz Burgmeier.
Il contract da Cavegn d'enfin uss ha durà enfin la stad 2025. Ses debut en la Super League ha il Lumnezian da 21 onns fatg tar la stagiun passada Son Gagl. Avant ha el dà per Cuira 97.
