A la festa da lutga grischun-glarunaisa cumbattan quest onn 120 lutgaders dals set chantuns da la Svizra Orientala. Sco favurits valan il retg da lutga Armon Orlik da Maiavilla e Domenic Schneider dal chantun Turgovia. Ils organisaturs a Scuol spetgan var 3'000 aspectaturas ed aspectaturs en il territori da skis da la Motta Naluns nua ch'i vegn lutgà en quatter rintgs da la bun'ura enfin a la saira
-
Bild 1 von 4. Tschajera e plievgia il venderdi avant la festa, per la sonda èsi però annunzià sulegl. Bildquelle: RTR.
-
Bild 2 von 4. Circa 300 voluntaris èn en acziun per furmar ils rintgs da resgim e per bajegiar si l'infrastructura. Bildquelle: RTR.
-
Bild 3 von 4. Bildquelle: RTR.
-
Bild 4 von 4. Sin l'areal da la staziun da Motta Naluns vegn bajegiada l'arena da lutga. Cun in panorama sur ils piz da l'Engiadina Bassa. Bildquelle: RTR.
Ils cumbats en tut ils rintgs emetta RTR live en furma da livestream. Il rintg pincipal è commentà da Roman Dobler, redactur da sport da RTR ensemen cun Corsin Jörger, anteriur lutgader da Domat. RTR mussa er quai che gira sper il resgim, per exempel en cuschina u sin la tribuna da fans.
A disposiziun stattan differents livestreams a partir da las 07:40 fin la fin da la festa:
- Rintg 1: livestream commentà
- Rintg 2: livestream senza commentari
- Rintg 3: livestream senza commentari
- Rintg 4: livestream senza commentari
La lutga cumenza la damaun baud a las 08:00. Per arrivar al lieu da festa è la via cumadaivla da prender la pendiculara che maina ensi sin passa 2'000 meters sur mar. Sut tschiel avert pon las visitadras ed ils visitaders persequitar l'eveniment sportiv sin la tribuna u era sin il pastg.