Siglir tar il cuntegn

Header

cuntegn

Furmla 1 Leclerc gudogna avant Verstappen

Il manischunz da Ferrari, Charles Leclerc po sa far novas speranzas per il titel dal campiunadi mundial. Il Monegass è sa mess tras a Spielberg davant il campiun mundial Max Verstappen en il Red Bull ed il campiun mundial da record, Lewis Hamilton en Mercedes. Il Neerlandais Verstappen mantegna cun 38 puncts avantatg bain la testa da la tabella en il classament general, Leclerc è uss dentant sa stuschà enavant sin plazza 2 e stauscha uschia il segund manischunz da Red Bull Sergio Perez in plaz enavos. Il Mexian n'è betg vegnì en l'arrivada, pervi d'in defect tecnic.

Per il team dad Alfa Romeo n'hai dà questa giada nagins puncts. Valtteri Bottas, che ha stuì far il start or da las boxas è vegnì surpassà en l'ultima runda da Fernando Alonso ed è uschia vegnì 11avel. Zhou Guanyu en il segund auto da Hinwil è vegnì 14avel.

RTR novitads 17:00

Artitgels legids il pli savens

Scrollar a sanestra Scrollar a dretga