L’Ollandais da 24 onns ha triumfà a Le Castellet, avant Lewis Hamilton sin Mercedes e George Russell medemamain sin Mercedes. Ses pli dir concurrent, Charles Leclerc sin Ferrari, è crudà ora en la 19avla da 53 rundas, cura ch’el manava. En il classament general ha Verstappen uss gia 63 puncts avantatg sin Leclerc.
Ils dus pilots dad Alfa Romeo èn ina giada dapli restads senza puncts. Valtteri Bottas ha finì la cursa sco 14avel. E Zhou Guanyu è crudà ora curt avant la fin da la cursa, cura ch’el era sin il davos plaz.
Gia la proxima fin d'emna vai puspè vinavant cun il circus da la furmla 1, lura è il Grond premi da l'Ungaria datiers da Budapest.