L'emprima partida senza trenader Christian Wohlwend è gartegiada. Il HCD gudogna cun 4:0 a Lugano. La squadra da Tavau ha chattà meglier en la partida. En l'emprim terz ha il HCD fatg dus gols. En ils proxims dus terz han els mintgamai fatg in gol dapli.
Durant quest gieu era per l'emprima giada il nov team da trenaders Waltteri Immonen e Glen Metropolit a la banda. Il trenader principal, Christian Wohlwend, è vegnì relaschà quest'emna.
Cun quella victoria è il HCD da nov sin plaz 6 da la tabella. Sch'els pon sa tegnair sin quella posiziun fissan els qualifitgads directamain per ils playoffs.
Las ulteriuras partidas da questa fin d'emna
- ZSC Lions – Genevra 1:4
- Lakers – Fribourg 4:3 suenter penalties
- Kloten – SCL Tigers 4:3 suenter penalties
- Bienna – Zug 3:1
- Ajoie – Berna 6:3
- Ambri – Losanna 4:1
