Siglir tar il cuntegn

Header

video
Grazia ad in svelt gol batta la Svizra il Portugal
Or da Sport-Clip dals 12.06.2022.
laschar ir. Durada: 4 minutas 39 Secundas.
cuntegn

Nations League Finalmain emprims puncts per la Svizra

Suenter trais terradas en seria ha la Svizra gudagnà la partida cunter il Portugal, quai cun 1:0. Il sulet gol da la partida a Genevra ha fatg Haris Seferovic cun il chau, gia durant l'emprima minuta da la partida. Durant la segunda mesadad è la Svizra stada per part fitg sut squitsch. Il goli Jonas Omlin ha pliras giadas stuì salvar la situaziun.

Il gieu da partenza, avant in'emna a Lissabon, veva l’equipa da Murat Yakin pers cun 0:4 cunter il Portugal. Cristiano Ronaldo veva fatg 2 gols. Questa giada n'e il superstar betg stà da la partida perquai ch'ins ha vulì schanegiar el.

Spagna e Portugal a la testa da la gruppa

En l'autra partida da la gruppa 2, en la Liga A da la Nations League ha la Spagna gudagnà la partida a chasa cunter la Tschechia cun 2:0. Da nov è la Spagna a la testa da la tabella cun 8 puncts, avant il Portugal cun 7 puncts. La Tschechia è sin il terz plaz cun 4 puncts e la Svizra è sin il davos plaz cun 3 puncts.

En la Nations League cuntinuescha il settember cun las partidas en la Spagna ed a Son Gagl cunter la Tschechia.

RTR novitads 23:00

Artitgels legids il pli savens

Scrollar a sanestra Scrollar a dretga