Passlung durant la notg - Räz e Zampa gudognan cursa da notg
Gia per la 4. giada ha lieu la cursa da notg en il rom dal Maraton da skis engiadinais. La cursa da Segl a Puntraschigna è insatge per in e mintgin che ama l’atmosfera stgira e quieta da la notg. Las passa 500 curriduras e curridurs han fatg la cursa dals 17 kilometers mo cun il cler glina.
Victoria indigena tar la cursa da notg da Segl a Puntraschigna. Curdin Räz da Segl ha gudagnà la quarta ediziun da la cursa avant Livio Matossi da San Murezzan e Livio Corsini da Lai. Cun in temp da 37 minutas e 21 secundas ha Curdin Räz procurà per in nov record.
Tar las dunnas ha gudagnà Maria Adele Zampa da Carona sper Lugano. Segunda è vegnida Fabiana Wieser da Sent e terza Christa Jäger da Valens. Totalmain han passa 500 curriduras e curridurs fatg part a la quarta cursa da notg da Segl a Puntraschigna.
Ils podests
1 / 3
Legenda:
RTR, Roman Dobler
2 / 3
Legenda:
Il podest dals umens cun il victur Curdin Räz amez.
RTR, Roman Dobler
3 / 3
Legenda:
Il podest da las dunnas cun la victura Maria Adele Zama amez.
RTR, Roman Dobler
La quarta ediziun da la cursa da notg en Engiadin'Ota è ina da quatter concurrenzas durant l’emna dal Maraton. Ensemen cun la cursa da las dunnas, il sprint d’uffants ed il Maraton ordinari da Malögia a S-chanf è la cursa part da l’emna dal maraton. A la cursa èn curriduras e curridurs d’elita da la partida, sco per exempel ils matadors locals Fadri Barandun da Samedan ed Arnaud Du Pasquier da Puntraschigna, u Fabiana Wieser da Sent e Maria Adele Zampa da Carona. Dentant fan er bleras curriduras e curridurs main ambizius la cursa da notg. Gist pervia da l’atmosfera uschè speziala.
Impressiuns a la cursa da notg
1 / 5
Legenda:
RTR, Roman Dobler
2 / 5
Legenda:
RTR, Roman Dobler
3 / 5
Legenda:
RTR, Roman Dobler
4 / 5
Legenda:
RTR, Roman Dobler
5 / 5
Legenda:
RTR, Roman Dobler
La cursa da notg – cun spezialitads
Avrir la boxSerrar la box
En il rom dal Maraton da skis engiadinais datti differentas cursas. La cursa la pli speziala è la cursa da notg. Las passa 500 curriduras e curridurs che fan part a questa cursa fan il traject da 17 kilometers da Segl a Puntraschigna en la glisch da la glina e cun ina glisch dal frunt. Mintga pèr kilometers trategna ina furmaziun musicala las sportistas ed ils sportists. A la cursa fan part passlunghistas e passlunghists d'elita sco era amaturs.
