Il Club da hockey d'Arosa organisescha ses gieus a chasa tuttina tenor il principi da 3G. Uschia pon er persunas cun in test negativ visitar ils gieus. Latiers ston però tuttas e tuts purtar ina mascrina e seser durant consumar.
La regla entria en vigur cun il proxim gieu, ch'è mesemna saira cunter Basilea.
Viriveris da 2G e 3G pervi da BAG
Il glindesdi aveva il club da hockey Arosa anc communitgà d'agir tenor il principi 2G. La raschun per il schischuri sajan las infurmaziuns da l'Uffizi federal da sanadad BAG che haja midà las reglas da gieu pir suenter ch'il club haja gia decis il principi da 2G e che nagin stoppia purtar ina mascrina. Sche il BAG avessia communitgà da l'entschatta unifurm e correct, lura n'avess il club betg midà sin il princip da 2G, scriva il club. En quest scriver sa mussa il club cleramain betg cuntent cun la communicaziun dal BAG.
