Siglir tar il cuntegn

Header

Eligius Tambornino
Legenda: Sin Eligius Tambornino spetga il sprint final da la carriera. Keystone
cuntegn

Eligius Tambornino «I spetgan anc las davosas ivettas»

La fin da la carriera dal biatlet sursilvan Eligius Tambornino s’avischina. A la Cuppa IBU a Lai ha Tambornino però anc ina giada persvadì cun l’otgavel plaz en il sprint ed il 15avel plaz en il super-sprint.

audio
Eligius Tambornino: «Jau emprov da dar tut fin la fin»
aus Actualitad vom 05.03.2022.
abspielen. Laufzeit 4 minutas 13 Sekunden.

Cun 35 onns è Eligius Tambornino stà il pli vegl a la partenza da las cursas da la Cuppa IBU a Lai, cursas internaziunalas da biatlon da la segunda auta categoria suenter quellas da la Cuppa mundiala. Bun dus decennis è il sportist oriund da Trun stà fidaivel al sport da prestaziun, l’emprim sco spezialist da sprint en il passlung e suenter ils gieus olimpics il 2014 a Sotschi sco biatlet.

Il trenar sulet n’è stà nagin handicap. Uschia hai jau pudì far gist quai ch’jau hai mess avant e pudì focusar sin mamez.
Autur: Eligius Tambornino biatlet

Avant bun in onn è Tambornino vegnì tramess dal cader naziunal da Swiss Ski enavos en il cader regiunal. Sulet e per gronda part sin agen cust ha el tuttina anc ina giada empruvà tut. La finala n’èsi betg ì sco giavischà en questa davosa stagiun da la carriera. Il siemi era er da pudair sa participar als gieus olimpics a Peking.

Dal Maraton engiadinais als campiunadis svizzers

Avant che dar adia vul Eligius Tambornino anc attatgar a bain inqual cursa. En in’emna vul il Sursilvan parter al Maraton da l’Engiadina, lura sa participar principal la fin mars a la cursa da 50 kilometers dal campiunadi svizzer da passlung a Sparenmoos en la vischinanza da Zweisimmen, e l’entschatta avrigl stat anc sin il program a Realp il campiunadi svizzer da biatlon.

RTR actualitad 17:00

Artitgels legids il pli savens

Scrollar a sanestra Scrollar a dretga