Siglir tar il cuntegn

Header

audio
Dario Cologna preschenta sia nova biografia
Or da Actualitad dals 02.11.2022.
laschar ir. Durada: 3 minutas 57 Secundas.
cuntegn

Suenter la carriera «Die Erfolgsformel» – la biografia da Dario Cologna

Suenter bun nov mais lavur ha Dario Cologna preschentà a Tavau ses nov cudesch, sia nova biografia. En quest cudesch da passa 200 paginas vegn dà in sguard enavos sin sia lunga carriera, ma er dà impressiuns da quai ch’è capità davos las culissas e co tut ha cumenzà.

A pled vegnan er bleras persunas d’ordaifer, saja quai sportists sco Roger Federer u ses anteriur rival sin loipa, il Norvegiais Petter Northug, sco er sia famiglia, sia dunna Laura ed er ils geniturs. Questa biografia che cumpara davent dad immediat er en las stizuns cuntegn dentant er bleras fotografias e purtrets privats e da sia carriera.

Dario Cologna è currì durant bun 15 onns en la cuppa mundiala da passlung. Durant sia carriera è el daventà quatter giadas campiun olimpic, campiun mundial, ha gudagnà quatter giadas la cuppa mundiala generala sco er quatter giadas il Tour de Ski. La primavaira suenter il maraton da l’Engiadina ha el prendì cumià dal sport da prestaziun.

Dal tut davent dal passlung n’è Cologna però betg. A partir da la nova stagiun 2022/23 lavura el ina part tar SRF sco expert da passlung, quai ensemen cun Adriano Iseppi.

Dario Cologna
Legenda: Keystone

RTR actualitad 12:00

Artitgels legids il pli savens

Scrollar a sanestra Scrollar a dretga