La stagiun da skis po cumenzar per Carlo Janka. Il skiunz da Sursaissa figurescha per l'emprima giada sin la glista d'atlets da Swiss Ski per cursas da la cuppa mundiala. Janka è annunzià per la rapida dals 28 ed ils super-G's dals 29 e 30 da december a Bormio. A las cursas vi sur mar n'aveva Janka betg pudì sa participar pervi da mal il dies. Da la cursas a Val Gardena ha el stuì desister pervi d'in'infecziun da corona.
Betg da la partida è Mauro Caviezel che patescha anc adina da las consequenzas da ses accident il schaner passà.
audio
Per tadlar: Las novitads da las 12:00
ord RTR Audio dals 24.12.2021.
laschar ir. Durada: 5 minutas 13 Secundas.
