Siglir tar il cuntegn

Header

audio
Thomas Frischknecht davart las schanzas da Nino Schurter
Or da Sport ed actualitad dals 25.07.2021.
laschar ir. Durada: 03:44 minutas.
cuntegn

Thomas Frischknecht «Il grond trumf da Nino è sia experientscha»

Auter che als davos gieus olimpics il 2016 a Rio n’è Nino Schurter betg pli il grond favurit en la cursa da mountainbike a Tokio. E tuttina pledan plirs puncts per il Grischun, principalmain l’experientscha.

Nino Schurter stat avant sia quarta cursa olimpica. El sa pia tge che spetga sin el ed el sa er co ir enturn cun l’entira situaziun. L’experientscha dals davos 10, 15 onns pudessi gidar Schurter da far in’ulteriura giada il pass sin il podest olimpic, uschia l’expert e ses schef d’equipa Thomas Frischknecht. Dasper saja er il percurs da cursa insatge che vegn encunter a Nino Schurter, sco er il clima. Il mountainbiker oriund da Tersnaus è in ch’ha gugent il chaud ed a Tokio regia il mument temperaturas sur 30 grads cun in’umiditad da bun 95%.

Plinavant po Nino Schurter ir a la partenza senza pli grond squitsch. Quel han auters, en spezial l’Ollandais Mathieu van der Poel che vul per tut pretsch gudagnar aur olimpic en il mountainbike sco er il Svizzer Mathias Flückiger ch’ha dominà las davosas cursas da la cuppa mundiala en questa stagiun.

Actualitad 17:00 uras

Artitgels legids il pli savens

Scrollar a sanestra Scrollar a dretga