Gia durant l’entira primavaira ha Matteo Badilatti difficultads cun la sanadad. Adina puspè vegn el franà. Pertge che ses corp resta propi sut la prestaziun ch'el fiss bun da purtar, na sa Matteo Badilatti per il mument betg. Uschia n'è el er betg cuntent sun sia prestaziun persunala durant ils otg dis dal Tour de Suisse. Era sche ses collega da squadra, Stefan Küng, era sco tschintgavel il meglier ciclist svizzer tar la cursa che maina atras la Svizra.
Actualmain sun jau ina sumbriva da memez.
A chasa a Poschiavo per sclerir tge ch'i pudess esser
Suenter ils strapatschs dal Tour de Suisse ha Matteo Badilatti l’emprim ina giada fatg viadi enavos a chasa a Poschiavo. En patria vul el sclerir la dumonda pertge ch'el na sa senta betg bain. Matteo Badilatti na riva actualmain simplamain betg da mussar la meglra prestaziun. Il bun resultat da l’equipa enturn Stefan Küng è uschia in pitschen confiert.
