Recept - Crema da mascarpone cun frajas

Uschia poss ti far ina crema da mascarpone cun frajas

Preparaziun: 30 minutas

Ingredienzas

• 350 g frajas
• 1 citrona
• 2 tg pulvra da zutger
• 500 g mascarpone
• 1 taja da vaniglia
• 200 ml groma

Preparaziun

1. Nettegiar las frajas e tagliar davent la feglia. Purar 200g frajas cun in spriz suc da citrona ed 1 tg pulvra da zutger. Metter da la vart el fraid.
2. Tagliar il rest da las frajas (150 g) en quarts u otgavels (tut tenor la grondezza da las frajas).
3. Metter la mascarpone en ina cuppa. Agiuntar in zichel paletscha da citronas, in spriz suc da citrona, la pulpa dad ina taja da vaniglia ed 1 tg pulvra da zutger e truschar bain cun il mixer.
4. Sbatter la groma. Maschadar bufatg la groma cun la mascarpone.
5. Emplenir ils magiels alternantamain cun puré da frajas, mascarpone e tocca da frajas, fin ch’il magiel è plain.
6. Servir fraid il dessert.

Pass per pass

Recept sco PDF