Siglir tar il cuntegn

Header

audio
Las duas plevonessas refurmadas sin lur chanal da YouTube «Holy Shit»
SRF, Luca Fuchs
laschar ir. Durada: 59:08 minutas.
cuntegn

«Per part na poss jau strusch crair las dumondas da la glieud»

Ellas procuran per ina purziun umor e dattan ina parita giuvenila a la Baselgia refurmada. Sin lur plattafurma da social media «Holy Shit» discutan las duas plevonessas refurmadas Priscilla Schwendimann e Claudia Steinemann avertamain davart tut quai che muventa ellas.

Ellas èn giuvnas ed ellas èn stars sin YouTube ed Instagram. Ozendi atgnamain nagut spezial. Priscilla Schwendimann e Claudia Steinemann èn dentant tuttas duas era plevonessas. E Claudia sto cumbatter cun la malsogna ADHS, Priscilla cun ses coming-out sco dunna omosexuala, ch'è creschida si en ina baselgia independenta che na tolerescha betg omosexualitad.

E gist quai èn tematicas ch'ellas discutan cun lur community sin lur chanal «Holy Shit» – avertamain e cun ina purziun umor. En general tematiseschan ellas la baselgia e la cardientscha, l'esser giuven, la sexualitad u la sanadad psichica.

Cun «Holy Shit» vulan las duas plevonessas cuntanscher dapli glieud – oravant tut glieud giuvna – ed intermediar a quella la fascinaziun da la cardientscha cristiana ed er ils avantatgs da far part a la Baselgia refurmada.

Vita e cretta ha discurrì cun Priscilla Schwendimann davart motivaziun, finamiras, resistenza e tabus.

Dapli da «Vita e cretta»avrir la landingpage

Scrollar a sanestra Scrollar a dretga