Muments da poesia en furma da purtrets, caricaturas, video e fotografia preschenta Donat Caduff, artist e graficher actualmain en la chasa da cultura Cularta a Laax. En sia exposiziun «Observaziuns obsessivas», preschenta l'artist da Sagogn che viva e lavura a Turitg muments singulars ch'èn crudads en egl a l'artist chaminand 1'200 kilometers a Roma e Paris ed en Surselva.
Jau ma sent da chasa era là, nua ch'jau na sun mai stà.
Viva en Donat Caduff in observatur obsessiv? Senza dubi! Donat Caduff ha sviluppà en sia vita in sensori aparti per enconuscher ils pli pitschens detagls en la bellezza zuppada.
-
Bild 1 von 10. «Cirvadad en filigran», uschia pudess ins numnar questa ovra. Lieus crivs che resplendan la vita quotidiana inspireschan l'artist da Sagogn e Turitg. Bildquelle: RTR.
-
Bild 2 von 10. Bildquelle: RTR.
-
Bild 3 von 10. Bildquelle: RTR.
-
Bild 4 von 10. Bildquelle: RTR.
-
Bild 5 von 10. Bildquelle: RTR.
-
Bild 6 von 10. Donat Caduff «Observaziuns obsessivas». Bagdad, Paris, Roma, en questas ed autras citads ha Donat Caduff sa laschà inspirar dal puls da la vita quotidiana. Bildquelle: RTR.
-
Bild 7 von 10. Bildquelle: RTR.
-
Bild 8 von 10. Bildquelle: RTR.
-
Bild 9 von 10. Bildquelle: RTR.
-
Bild 10 von 10. Bildquelle: RTR.
Là nua ch'i vegn lavurà e brahà, nua che las odurs ed ils tuffiens sa maschaidan e là nua che la vita quotidiana pulsescha, chatta Donat Caduff la fascinaziun per metter las scenas dal mintgadi sin il palpiri u fotografar ellas.
Jau possed ina tscherta vanitad, ma cun mia diva interna sun jau fitg precaut.
Ina mamma ch'embratscha ses uffant, in uffant che passa sperasora, in um a la maisa dal bistro cun ina bavronda, ina squadra da Carabinieri, in um cun barba che morda cun gust en ses burger. Donat Caduff è bun da tschiffar muments banals cun sia camera e transportar quels a moda artistica ed estetica. Da far las observaziuns, stoppia el però esser sulet.
Donat Caduff è creschì si a Sagogn. Suenter la scola populara ha el fatg il seminari da scolast. Ses interess per art, fotografia e grafica ha manà el a las scolas autas d'art a Turitg e Lucerna. Il studi spezialisà sin grafica ha Donat Caduff terminà a la Rietveld Academie ad Amsterdam.
Sco uffant m'interressava l'emballadi d'in termagl pli fitg ch'il termagl sez.
L'emissiun Profil è vegnida registrada tranter las ovras da l'exposiziun «Observaziuns obsessivas». Durant il discurs ans fermain nus cun Donat Caduff tar insaquantas fermadas artisticas da sia vita. Tranter auter raquinta il Sursilvan da ses cudeschs «Das Gelbe des Eis», u era «Zurück nach Valendas». En l'emissiun declera Donat Caduff era da sias difficultads ch’el ha gì cun persequitar sia carriera artistica e co ch’el ha chattà ina ballantscha cun lavurar en secturs sco las Viafiers federalas ed il traffic public a Turitg che porscha ad el stabilitad finanziala e temp per sia passiun artistica.