In atelier è in lieu da retratga nua ch'ils artist pon crear art. Quai na vul betg dir che in atelier è adina ina stanza cun quatter paraids. La nova exposiziun dal museum d'art dal Grischun mussa ch'art po vegnir creada dapertut. Uschia datti en l'exposiziun da vesair tranter auter in video d'in bloc da marmor ch'è vegnì elavura sin in bastiment ubain ina sculptura da crap ch'è vegnida creada directamain en il museum. Cun la pulvra dal crap che la lavur ha producì, èn vegnids scrits pleds vid la paraid.
Per il curatur da l'exposiziun, Damian Jurt, è l'exposiziun in viadi tras il temp ed in viadi tras las diversas modas d'atelier.
Las furmas d'ateliers èn uschè diversas sco l'art sezza.
La vernissascha da l'exposiziun è in dumengia ils 24 da schaner. L'exposiziun è da vesair enfin ils tschintg da fanadur. Durant che l'exposiziun è en il museum d'art dal Grischun datti er anc diversas occurrenzas nua ch'ils artists èn sez era da la partida.
Adattà al tema
Il Museum d'art dal Grischun ha preschentà ses nov program annual per il 2026. Quest onn datti 9 exposiziuns, quai è ina dapli ch'anc l'onn passà.