Be gist 20 abitants ed abitantas dumbra il vitg Cervenà nua ch'il Sursilvan e sia dunna Eliane han lur bain puril ch'els han numnà «Caldis», il pled celtic per guaud.
Chapitala: Prag
Valuta: curuna tscheca
Lingua uffiziala: tschec
Populaziun: 10,5 milliuns (2024)
Svizzers en il pajais: 1’593 (2024)
Surfatscha: 78'871 km²
Di da la festa naziunala: 28 d'october (fundaziun da la Tschecoslovachia 1956)
Furma da stadi: republica parlamentara
Schef da stadi: Petr Pavel, senza partida
Schef da regenza: Petr Fiala, ODS
Index da democrazia: 8,08/10 (2024)
Pli aut punct: Schneekoppe, 1’603 meters sur mar
(Funtauna principala: Bundeszentrale für politische Bildung, www.bpb.de)
Qua en quest lieu idillic amez in parc da natira aveva la famiglia dad Eliane – ch'è creschida si en Svizra, ch'ha dentant ragischs tschecas – quest bain puril cun bisons ed abitaziuns da vacanzas.
Dapi ch'il giuven pèr ha surpiglià il bain saja bler sa midà. Il bainstar dals animals stat al scolast ed a la fisioterapeuta fitg a cor. Sper ils 19 bisons vivan era trais chavals, dus chauns, dus giats ed in portg sin il bain puril.
Jau hai gugent ils spezials e flaivels.
Avant che daventar pur ha Sandro lavurà sco pedagog curativ cun uffants cun impediments. Ina lavur ch'el ha fatg fitg gugent ed en sasez veseva el ses futur là.
En sasez vuleva el daventar mariner u biolog, ch'el daventia in di pur n'avess el mai pensà. La lavur cun animals dentant era sco ospitant plascha a l'um da 39 onns.
Nus avain emprendì tut da null ensi, ils dis èn lungs, ma bels.
Impressiuns dal bain puril «Caldis»
-
Bild 1 von 7. Adina lavur da far, sco qua far pals per ina saiv. Bildquelle: RTR.
-
Bild 2 von 7. Quatter abitaziuns da vacanzas tutgan era tar il bain puril. Bildquelle: RTR.
-
Bild 3 von 7. Temp per in cupid tranter la lavur sin il funs e la lavur cun ils hosps. Bildquelle: RTR.
-
Bild 4 von 7. Ir regularmain a spass cun ils trais chavals sa chapescha da sasez. Bildquelle: RTR.
-
Bild 5 von 7. il «Paddock» ha Sandro construì ensemen cun in ami. Bildquelle: RTR.
-
Bild 6 von 7. In bun team – Sandro e Maro. Bildquelle: RTR.
-
Bild 7 von 7. Il tractor – ina da las grondas investiziuns. Bildquelle: RTR.
Els vesan lur futur en la Tschechia, il bain puril haja grond potenzial, saja quai cun la tratga dals bisons u cun la purschida turistica da lur «Caldis».
Brietta – il bison «domestic»
-
Bild 1 von 4. Brietta ha Sandro tratg si cun il gutter. Bildquelle: mess a disposiziun.
-
Bild 2 von 4. Brietta sin ses lieu preferì. Bildquelle: mess a disposiziun.
-
Bild 3 von 4. Schon bunamain sco in animal da chasa. Bildquelle: mess a disposiziun.
-
Bild 4 von 4. 19 bisons tutgan tar lur bain puril. Bildquelle: mess a disposiziun.
La mentalitad tscheca saja sco tar blers auters pajas slavs: la glieud saja l'emprim plitost da quai reservada, enconuschian ins alura in l'auter meglier sajan els fitg cordials e serventschaivels.
Da princip giaja bain cun la Tschechia, schegea che la chareschia saja era qua in fitg grond tema. Blers giajan perquai a lavurar sur il cunfin en la Germania, nua che las pajas sajan bler pli autas.
Ils Tschecs e las Tschecas èn permalads sch'ins metta els en l'Europa da l'Ost, els vesan sasez sco pajas da l'Europa Centrala.
Direct tar las istorgias da e cun
- Sandro Maissen en Tschechia: «Qua sun jau pli fitg mamez che avant»
- Seraina Caduff en Austria: «Vella e Vienna èn omadus mes dachasas»
- Irène e Tumaisch Desax en Ungaria: «Qua ans sentin libers»
- Ivar Trippolini en Serbia: «A Belgrad essan vegnÌds sin il gust da sautar»
Bun divertiment.