Burkina Faso, Benin, Bangladesch, Bümpliz, Belgrad ed uss puspè Bümpliz. Il «B» saja il fil cotschen en lur vita, di l'um da 47 onns ch'ha vivì e lavurà enfin uss sin trais continents. Uss hajan els decis da returnar per ils proxims otg onns a Bümpliz, uschia che lur figlias possian terminar lur scolaziun da basa en Svizra.
Chapitala: Belgrad
Valuta: dinar serb
Lingua uffiziala: serb
Populaziun: 7,1 milliuns (2024)
Svizzers en il pajais: 3’708 (2024)
Surfatscha: 77'589 km²
Di da la festa naziunala: 15 e 16 da favrer (rebelliun cunter l'Imperi osmanic 1804 e deliberaziun da la constituziun 1835)
Furma da stadi: republica parlamentara
Schef da stadi: Aleksandar Vučić, SNS
Schef da regenza: Đuro Macut, senza partida
Index da democrazia: 6,26/10 (2024)
Pli aut punct: Midzor, 2’169 meters sur mar
(Funtauna principala: Bundeszentrale für politische Bildung, www.bpb.de)
Sia dunna ha studegià relaziuns internaziunalas e lavura per la Confederaziun en servetsch diplomatic per la DEZA, la Direcziun per svilup e collavuraziun, a Belgrad.
Ivar sez ha studegià scienza politica ed administrativa ed ha bajegià si ils ultims onns ina firma d'internet cun il focus sin l'uschenumnada «Gamification» – pia la cumbinaziun da cuntegns ed elements da gieu interactivs.
Belgrad saja ina citad viva e moderna nua che la glieud saja gugent da cumpagnia, chantia, sautia e fetschia festa sin via, di il Samedrin ch'ha qua era giugà regularmain ballape.
Impressiuns da Belgrad
-
Bild 1 von 10. Streetart vesan ins dapertut a Belgrad. Bildquelle: RTR.
-
Bild 2 von 10. Clima continental cun dis da fin 40 grads. Bildquelle: RTR.
-
Bild 3 von 10. En Serbia vegn cumprà sche pussaivel sin martgà. Bildquelle: RTR.
-
Bild 4 von 10. La Serbia è ina pajais cun pliras etnias e pliras religiuns. Bildquelle: RTR.
-
Bild 5 von 10. Sin ina tura e sin in sitg tras Belgrad durant la notg. Bildquelle: RTR.
-
Bild 6 von 10. Bildquelle: RTR.
-
Bild 7 von 10. Dat quai «capuns serbs»? Bildquelle: RTR.
-
Bild 8 von 10. Il Danubi è lieu da recreaziun e divertiment. Bildquelle: RTR.
-
Bild 9 von 10. La vita capita ora sin via, savens cun far musica e saut. Bildquelle: RTR.
-
Bild 10 von 10. Dapertut èn da vesair fatschas da persunalitads da sport, cultura e politica. Bildquelle: RTR.
In grond problem da la Serbia saja l'emigraziun, di l'um da fatschenta. La generaziun giuvna bandunia lur patria ord mancanza da perspectivas.
I dovra la vusch critica da la via, cunquai ch'i na dat nagina opposiziun en il parlament.
E quai che pertutga la relaziun tranter la Serbia e l'Uniun europeica dettia parallelas cun la Svizra, manegia il politolog: profitar gea – far part plitost betg.
Direct tar las istorgias da e cun
- Sandro Maissen en Tschechia: «Qua sun jau pli fitg mamez che avant»
- Seraina Caduff en Austria: «Vella e Vienna èn omadus mes dachasas»
- Irène e Tumaisch Desax en Ungaria: «Qua ans sentin libers»
- Ivar Trippolini en Serbia: «A Belgrad essan vegnÌds sin il gust da sautar»
Bun divertiment.