L'amur e la scolaziun sco terapeuta d'art han manà la dunna da 49 onns avant passa 25 onns en l'Austria. Vienna saja daventà sia patria, schegea ch'ella haja anc adina in stretga colliaziun cun Vella. Mintga stad returna ella en Lumnezia per visitar la famiglia e giudair la quietezza.
Chapitala: Vienna
Valuta: euro
Lingua uffiziala: tudestg
Populaziun: 9,16 milliuns (2024)
Svizzers en il pajais: 18’679 (2024)
Surfatscha: 83'883 km²
Di da la festa naziunala: 26 d'october (decisiun d'esser independenta 1955)
Furma da stadi: republica federala parlamentara
Schef da stadi: Alexander Van der Bellen, senza partida
Schef da regenza: Christian Stocker, ÖVP
Index da democrazia: 8,28/10 (2024)
Pli aut punct: Grossglockner, 3’798 meters sur mar
(Funtauna principala: Bundeszentrale für politische Bildung, www.bpb.de)
Il plan dad ir en l'exteriur n'aveva Seraina Caduff betg gia da l'entschatta. Il motiv dad ir or da la Lumnezia saja en emprima lingia stada per pudair far la scolaziun. Ch'ella è la finala ida a Vienna, saja stà destin, di la Lumneziana.
Cun ses partenari e ses figl viva Seraina Caduff da manaivel da Schönbrunn. Vienna saja ina citad multiculturala, moderna e tradiziunala en ina e tuttina, la citad na saja betg hectica mabain plitost patgifica.
Per ella èsi daventà normal da viver en ina citad cun culissas pompusas. Ses lieus preferids a Vienna èn il museum «Albertina», Schönbrunn ed il curtin zoologic.
Ils «Top 3» lieus a Vienna da Seraina Caduff
-
Bild 1 von 3. Schönbrunn – in dals «hotspots» da Vienna. Bildquelle: RTR.
-
Bild 2 von 3. Il museum «Albertina». Bildquelle: Keystone.
-
Bild 3 von 3. Il curtin zoologic da Vienna. Bildquelle: Keystone.
Impressiuns da Vienna
-
Bild 1 von 9. In dals cafés preferids da Seraina Caduff, il «Café Dommayer» . Bildquelle: RTR.
-
Bild 2 von 9. Sin ina spassegiada cun il microfon tras ils curtins da Schönbrunn. Bildquelle: RTR.
-
Bild 3 von 9. Grond ed in dals bajetgs marcants da Vienna – il dom da Son Steffan. Bildquelle: RTR.
-
Bild 4 von 9. Actualmain è il Sursilvan Bruno Cathomas da vesair en il «Burgtheater». Bildquelle: RTR.
-
Bild 5 von 9. «Kalrskirche» la damaun anc senza turists e turistas. Bildquelle: RTR.
-
Bild 6 von 9. «Hofburg» – pompus sco tut a Vienna. Bildquelle: RTR.
-
Bild 7 von 9. Scuvrir Vienna en in «Fiaker». Bildquelle: RTR.
-
Bild 8 von 9. «Mozart 2.0». Bildquelle: RTR.
-
Bild 9 von 9. Bildquelle: RTR.
Las midadas politicas sin il mund u er en il pajais ils ultims onns, n'haja betg propi gì influenza sin sia vita. En sia «niveletta» na saja sa midà nagut, di la Lumneziana. E tuttina hajan ins il sentiment che tut vegnia mender, Vienna saja dentant auter. Actualmain saja la situaziun politica puspè stabila.
I vegnia discurrì bler dad immigraziun, era sche las cifras mussian in'autra realitad. Quai ch'ins sentia il pli fitg saja la chareschia. Tut saja pli char, di Seraina Caduff.
Direct tar las istorgias da e cun
- Sandro Maissen en Tschechia: «Qua sun jau pli fitg mamez che avant»
- Seraina Caduff en Austria: «Vella e Vienna èn omadus mes dachasas»
- Irène e Tumaisch Desax en Ungaria: «Qua ans sentin libers»
- Ivar Trippolini en Serbia: «A Belgrad essan vegnÌds sin il gust da sautar»
Bun divertiment.