La decisiun d'emigrar en l'Ungaria saja stada l'endretga, din l'anteriur manader dal Center regiunal d'intermediaziun da lavur, RAV, a Glion e l'anteriura responsabla per ils secretariats da medias a l'Ospital regiunal da la Surselva. Avant tschintg onns, en la vegliadetgna da 68 onns, han els tratg questa decisiun.
Chapitala: Budapest
Valuta: forint
Lingua uffiziala: ungarais
Populaziun: 9,99 milliuns (2024)
Svizzers en il pajais: 2’249 (2024)
Surfatscha: 93'025 km²
Di da la festa naziunala: 15 da mars (revoluziun 1848), 20 d'uost (canonisaziun da Stefan I. 1083), 23 d'october (revolta dal pievel 1956)
Furma da stadi: republica parlamentara
Schef da stadi: Tamás Sulyok, senza partida
Schef da regenza: Viktor Orbán, Fidesz
Index da democrazia: 6,51/10 (2024)
Pli aut punct: Kékes, 1’014 meters sur mar
(Funtauna principala: Bundeszentrale für politische Bildung, www.bpb.de)
Els hajan lavurà gugent e bler e sajan stads engaschads blers onns en uniuns, dentant ussa veglian els viver tenor l'agen gust, senza responsabladads e dictats dad ordvart.
Ussa dictescha be pli noss chaun nossa vita.
La decisiun d'emigrar gist en quest pajais hajan els prendì suenter ina visita tar Luis Durschei, in cumpatriot da Mustér che viva er en la vischinanza dad els.
Impressiuns da Böhönye
-
Bild 1 von 11. Bildquelle: RTR.
-
Bild 2 von 11. Il curtin è daventà ina bella oasa. Bildquelle: RTR.
-
Bild 3 von 11. Vischins servetschaivels da tschella vart da la saiv. Bildquelle: RTR.
-
Bild 4 von 11. A Böhönye vegn il trenin da glatsch davant isch-chasa. Bildquelle: RTR.
-
Bild 5 von 11. Bildquelle: RTR.
-
Bild 6 von 11. Il regal da cumià per passa 20 onns lavur sco responsabel dal RAV a Glion. Bildquelle: RTR.
-
Bild 7 von 11. Quai è stà ina lavur intensiva. Bildquelle: RTR.
-
Bild 8 von 11. Chicca – il chaun ch'els han spendrà da la mort. Bildquelle: RTR.
-
Bild 9 von 11. Esser e giudair è la devisa. Bildquelle: RTR.
-
Bild 10 von 11. Sut la pergola en curtin tar in bun vin. Bildquelle: RTR.
-
Bild 11 von 11. In fidaivel consument da RTR er en l'exteriur. Bildquelle: RTR.
La gronda chasa ch'els han chattà a Böhönye han els renovà per gronda part en atgna reschia ed er il grond curtin han els zic a zic transfurmà tenor lur ideas. Adina na saja betg tut ì tenor giavisch, en tals muments haja ina spassegiada cun il chaun «Chicca» gidà, di Tumaisch che numna lur chaun era «poppa».
Igl ha duvrà blera gnerva da bajegiar qua cun firmas ungaraisas.
In chaun en questa fasa da la vita n'era dal reminent betg planisà, dentant per spendrar ella da la mort, sajan els sa decis da prender ella e na stettian betg secunda mal per questa decisiun.
La casa avant e suenter la sanaziun
Els sajan la gronda part dal temp a Böhönye en ses dachasa, hajan fitg bun contact cun lur vischins, davart politica na vegnia dentant betg discutà grond. Els na resentian naginas restricziuns dal stadi, anzi sco emigrants vegnian els sustegnids fitg bain.
Chasa avant e suenter la «sanaziun»
-
Bild 1 von 6. Bildquelle: mad.
-
Bild 2 von 6. Bildquelle: RTR.
-
Bild 3 von 6. Bildquelle: mad.
-
Bild 4 von 6. Bildquelle: RTR.
-
Bild 5 von 6. Bildquelle: mad.
-
Bild 6 von 6. Bildquelle: RTR.
Blog
I dat adina dapli resistenza encunter Victor Orbán.
Che Victor Orbàn polarisescha adina dapli – er entaifer il pajais – quai dentant audian e vesian era els.
Direct tar las istorgias da e cun
- Sandro Maissen en Tschechia: «Qua sun jau pli fitg mamez che avant»
- Seraina Caduff en Austria: «Vella e Vienna èn omadus mes dachasas»
- Irène e Tumaisch Desax en Ungaria: «Qua ans sentin libers»
- Ivar Trippolini en Serbia: «A Belgrad essan vegnÌds sin il gust da sautar»
Bun divertiment.