Siglir tar il cuntegn

Header

audio
Simonetta Somaruga, las dunnas e la crisa
Or da Vita e cretta dals 27.12.2020.
laschar ir. Durada: 58:50 minutas.
cuntegn

Simonetta Sommaruga «Nus avain dad engraziar fitg, fitg bler a las dunnas»

La presidenta da la Confederaziun suttastritga l’impurtanza da las dunnas e lur prestaziuns en la crisa da corona.

En scola ed a la cassa, tar la Spitex ed en l’ospital – dapertut, nua ch’i vegn stretg en la crisa da corona procuran en emprima lingia dunnas, che tut funcziuna. Da lur lavur a chasa ed en famiglia gnanca da discurrer.

Grazia fitg a las dunnas

Quai ha er remartgà la presidenta da la Confederaziun. Simonetta Sommaruga di en discurs cun Vita e cretta:

Tge che questa crisa ha mussà è, quant bler che dependa da l’engaschi da dunnas. Nus avain dad engraziar fitg, fitg bler a las dunnas.
Autur: Simonetta Sommarugapresidenta da la Confederaziun 2020
audio
Simonetta Sommaruga: Quai che nus avain d'engraziar a las dunnas en la crisa da corona.
00:40 min, Vita e cretta dals 22.12.2020.
laschar ir. Durada: 00:40 minutas.

Malgrà lur «relevanza per il sistem» - tge che na vul dir nagut auter che, ch’i na va betg senza ellas – èn tant las pajas sco er las cundiziuns da lavur per dunnas savens betg bunas.

Relevantas per il sistem – gea, ma lur paja?

Per las persunas en la tgira, in tipic sectur da lavur per dunnas, è sa pegiurada ina situaziun, ch’era gia difficila. Applaus è bel, ma i vul dapli:

Ins ha dà blera renconuschientscha, bler applaus, ma la fin vai per avair er las cundiziuns da lavur correspundentas.
Autur: Simonetta Sommarugapresidenta da la Confederaziun 2020
audio
Simonetta Sommaruga: In postulat anc adina actual, medema paja per medema lavur.
01:03 min, Vita e cretta dals 22.12.2020.
laschar ir. Durada: 01:03 minutas.

Perquai saja ella cuntenta, di Simonetta Sommaruga, ch’il Cussegal federal sustegnia la cuntraproposta a l’iniziativa da tgira. En pli haja ella gì plaschair, ch’il parlament haja decis da pajar a las persunas cun pajas bassas en lavur curta 100% da lur paja.

Simonetta Sommaruga – la managera da crisa

Ina dunna era ed è anc adina en il center da l’attenziun pervi dal coronavirus – igl è Simonetta Sommaruga sezza. Quest onn ha l’uffizi da la presidenta da la Confederaziun survegnì ina nova dimensiun. Enstagl da sa deditgar a represchentar la Svizra, ha ella stuì daventar managera da crisa.

En quest temp, cura ch’il Cussegl federal ha gì da trair grondas decisiuns, ch’eran per la populaziun e per il mintgadi dals umans propi rigurusas, èsi stà per mai fitg impurtant, dad intermediar en il Cussegl federal.
Autur: Simonetta Sommarugapresidenta da la Confederaziun 2020
audio
Simonetta Sommaruga: Gea, jau sun er vegnida managera da crisa.
01:20 min, Vita e cretta dals 22.12.2020.
laschar ir. Durada: 01:20 minutas.

Simonetta Sommaruga è daventada l’intermediatura. Ella ha mitigià e discutà en il Cussegl federal e cun ils chantuns, ha empruvà adina puspè da prender la populaziun en la bartga ed ha telefonà er gia direct a la presidenta da la Cumissiun europeica, ad Ursula von der Leyen, per debloccar in transport da mascras al cunfin.

Ina da las 100 dunnas las pli pussantas dal mund

Prestaziuns, ch’èn er vegnidas vesidas sin livel internaziunal. Uschia ha il magazin d’economia american Forbes tschernì Simonetta Sommaruga, il link avra en ina nova fanestra sin plaz 56 da sia glista da las 100 dunnas las pli pussantas dal mund.

La glista dal magazin Forbes

Tut las dunnas, scriva Forbes, hajan nizzegià lur pussibilitads per prender per mauns la sfida dal coronavirus – er la pli famusa managera da crisa da la Svizra, la presidenta da la Confederaziun Simonetta Sommaruga.

RTR Vita e cretta 08:00

Artitgels legids il pli savens

Scrollar a sanestra Scrollar a dretga