Las ideas creativas dad Yvonne Gienal vegnan da discurs, da quai ch’ella legia, da l’actualitad, da politica, da quai che muventa ella. Quai saja in grond fundus d’inspiraziun. Ma quai vala er per istorgias veglias e fastizs da carstgauns.
Jau hai bleras ideas che vegnan reducidas fin ch’jau hai ina dosa omeopatica ch’jau met en sculptura, fotografia ni maletgs.
«Far art è in process. I na dat betg in recept bel e pront. E quai è er captivant da tegnair ora ch’i na dat betg LA schliaziun. Era da tegnair ora frusts sch’insatge na funcziuna betg sco pensà. Ins sto scuvrir l'ovra, ins sto scuvrir la via», di Yvonne Gienal.
La scena d’art en Surselva haja bler schlantsch, di Yvonne Gienal. En l’Engiadina saja tut instituziunalisà, saja schichimichi. En Surselva hai in’autra energia, qua capita bler. I vegn professiunalisà adina pli fitg. Ed artistas ed artists da la Surselva emprovan da sa colliar. Ma er en Surselva mancan anc las dunnas in zic en la scena d’art.
Sch’insatgi di «quai pudess jau er far» – lura ditg jau: «Lura fai, fai!» – Ma questa critica ston artistas ed artists pudair tegnair ora.
Art è per Yvonne Gienal lavur e recreaziun. Ma propi recreaziun è per ella dad ir cun velo, da sa muventar. Sch’ella va en l’atelier va ella a lavurar.
Jau hai plaschair sch’insatgi ha plaschair da quai ch’jau hai fatg.