Siglir tar il cuntegn

Header

cuntegn

Conflict USA – Iran L'Uniun europeica na vul betg bandunar cunvegna d'atom

L'Uniun europeica sa metta cunter l'appel dal president american Donald Trump, da dar si la cunvegna d'atom cun l'Iran. La cunvegna saja in'impurtant success e restia in impurtant'arma per la stabilitad en la regiun. Quai ha communitgà il schef dal cussegl da l'UE, Charles Michel. Plinavant ha Michel er appellà al president iranais Hassan Ruhani da laschar la detta dad acziuns irreversiblas.

Purtret da Charles Michel: In um grond cun in chau blut ed egliers cun ina rama transparenta, barba en fatscha. El porta in vestgì.
Legenda: Il president dal cussegl da l'Uniun europeica, Charles Michel sa metta cunter l'idea da Trump da dar si la cunvegna d'atom cun l'Iran. Keystone

Mesemna ha Trump clamà si ils stadis commembers da la cunvegna – la Gronda Britannia, la Germania, la Frantscha, la Russia e la China – da laschar crudar la cunvegna d'atom cun l'Iran. Empè da questa cunvegna duess vegnir lavurà vid ina nova. Trump sez ha desditg la cunvegna d'atom il 2018.

video
Trump: «Iran sto dar si sias ambiziuns nuclearas»
Or da News-Clip dals 08.01.2020.
laschar ir

Michel spera sin deescalaziun

Charles Michel ha declerà la gievgia ch'el speria sin ina deescalaziun en il Proxim Orient. Ruhani haja ditg ch'e l'Uniun europeica haja gia adina giugà in'impurtanta rolla per stabilisar la regiun. L'Iran saja pront da cuntinuar la collavuraziun stretga.

La tensiun tranter ils Stadis Unids e l'Iran è creschida ferm l'emna passada, suenter ch'il top general Ghassem Soleimani è vegnì mazzà a moda intenziunada dals Americans. L'Iran ha lura reagì cun in culp da vendetga ed ha sajettà rachetas sin duas basas militaras nua ch'era schuldads americans èn staziunads.

RTR novitads 15:00

Artitgels legids il pli savens

Ir a sanester Ir a dretg