Siglir tar il cuntegn

Header

Il center tut vid da la citad St. Pölten.
Legenda: Il terz lockdown ch'era planisà enfin ils 18 da schaner duai cuzzar enfin ils 24 da schaner. Keystone
cuntegn

Probabel pli ditg Austria prolunghescha lockdown

En l'Austria cuzza il lockdown actual probabel pli ditg. Il terz lockdown ch'era planisà enfin ils 18 da schaner duai cuzzar enfin ils 24 da schaner. Quai rapporta l'agentura da novitads austriaca APA sa referind sin circuls da la regenza.

Oriundamain eri previs che tuttas persunas che fetschian in test da corona dastgian ir a partir dals 18 da schaner en las butias – natiralmain sut la cundiziun ch'il test è negativ. Per tut tgi che na saja betg pront da far in test valia il lockdown enfin ils 24 da schaner.

Quel plan n'ha però betg plaschì a tuts e tenor l'opposiziun na saja quel plan er betg realisabel. Uschia restian uss bunamain tuttas butias serradas enfin ils 24 da schaner, pia in'emna pli ditg che planisà oriundamain.

Ord l'archiv da SRF:

video
Crisa da corona. Austria danovamain en lockdown
Or da 10 vor 10 dals 18.12.2020.
laschar ir

RTR novitads 12:00

Artitgels legids il pli savens

Scrollar a sanestra Scrollar a dretga