Suenter 30 onns va il schurnalist Augustin Beeli da la FMR en pensiun. Durant trais decennis ha el fatg reportaschas e scrit artitgels per la Quotidiana – ed ussa, curt avant la pensiun, haja el in curius sentiment en il venter, di Augustin Beeli.
Avant che el è stà schurnalist ha Augustin Beeli lavurà tranter auter tar la Viafier retica e tar la banca. Il 1996 ha el cumenzà a lavurar per la chasa paterna – ed era fieu e flomma per la lavur sco schurnalist. Avant 30 onns veseva il schurnalissem dentant anc ora tut auter.
Ins ha lavurà e lavurà, ha gì in ritmus ed ussa vegn tuttenina quest tagl – igl è schon curius.
«Pli baud era tut analog. Cura che jau hai fatg ina fotografia, quai era anc sin film, n'hai jau betg vesì co ch'i vesa ora, ed jau hai stuì trametter ella per express en la redacziun!» Ma era la glieud saja sa midada, i dettia oz bler pli paucas reacziuns sin artitgels – e l'impurtanza da las medias saja sa diminuida. Tge ch'el fa dentant suenter la pensiun, quai sa Augustin Beeli schon exact.
«Jau hai savens ditg che jau fatsch quai e quai, uschespert che jau sun pensiunà», di el. «Jau hai suspendì ina massa, ma insatge che jau hai gia adina vulì far è dad ir sin il Piz Beverin – e quai fatsch jau l'emna proxima.»
Jau hai gia adina vulì ir sin il Piz Beverin – e quai fatsch jau l'emna proxima.