L'entschatta fan Fabio Luzio e Silvio Dietrich:
- Fabio Luzio: PLD, electroinstallatur/inschigner da Cunter vul vegnir reelegì en il Cussegl grond per il circul Surses.
- Silvio Dietrich: PS, manager per furmaziun da la regiun da Glion, vul restar en il parlament per il circul Glion.
Fabio Luzio accentuescha ses engaschi per l'energia e la regiun Surses, Silvio Dietrich metta ses accents en la furmaziun, famiglia e plurilinguitad.
Tuts dus vesan tar la digitalisaziun e tar smartphones ristgs per uffants , refusan dentant plitost scumonds generals e pledeschan persuenter per accumpagnament, responsabladad e soluziuns individualas en scola e famiglia.
Elecziuns GR 26
Tar l'energia accentueschan omadus l'impurtanza da funtaunas regenerablas, vesan dentant grondas sfidas tar la realisaziun, custs e conflicts da finamiras tranter la protecziun dal clima e da la natira; soluziuns pragmaticas pass per pass vegnan favurisadas.
Omadus mettan sin la mobilisaziun da lur electurs, èn sut squitsch da concurrenza en lur regiuns e speran sin ina gronda participaziun a las elecziuns.