Regularmain ha lieu ina revisiun gronda en il Bogn Engiadina a Scuol. Quest onn vegnan sanads la sauna, il bogn da sal ed era la partiziun roman-irlandaisa.
Noss concurrents na dorman betg, perquai èsi impurtant d'investir permanentamain.
Scuol è daventà vi e pli ina destinaziun cun ina purschida sur tut l’onn, er l’hotellaria e parahotellareia èn ina purschida impurtanta. Il 2025 han radund 200’000 giasts ed indigens visità il bogn, il meglier resultat dapli l’onn 2014.
Istorgia commovida dals bogns a Scuol
La vischnanca da Scuol ha ina lunga istorgia da turissem da sanadad e da bogns. Las funtaunas d'aua minerala han gia baud attratg ina massa glieud.
1986
Durant ils onns otganta ha la vischnanca decis davart il project «Scuol 2000». La planisaziun per il Bogn Engiadina ch'ins enconuscha oz.
1993
L'onn 1993 era l'onn d'avertura dal grond project Bogn Engiadina. Circa 50 milliuns francs hai custà da construir il BES che vegn sanà e renovà mintga trais onns per restar attractiv.
Il bogn d'aua minerala è fin oz in dals pli gronds indrizs da wellness en l'Engiadina. Dapi l'onn 1993 era l'istorgia dal Bogn Engiadina adina in si e giu tranter scriver cifras nairas u cotschnas.
1997
Il mantegniment dal Bogn Engiadina è char e resta grev d'amortisar, er sch'i dat adina dapli persunas che visitan il bogn. L'onn 1997 è stà in onn cun var 9% dapli visitadras e visitaders, tuttina restan ils debits per la vischnanca.
2000
Enturn il millenni vegn il BES privatisà. Avant tutgava il bogn a la vischnanca da Scuol, che ha quatras ina mantun da debit da var 35 milliuns francs. Cun la transfurmaziun en ina societad d'aczias vul il Bogn Engiadina Scuol dar cuntrapaisa als debits.
Ma las cifras da giasts ed uschia er ils basegns restan auts. Er la controlla chantunala da l'aua na mida betg quai betg. La controlla l'onn 2000 è stada «tip top».
2003
Il Bogn Engiadina Scuol festivescha il giubileum da 10 onns. La nova part dal BES, il bogn roman-irlandaisa avra sias portas.
2012
Il BES cumbatta renfatschas da nauscha qualitad d'aua. L'emissiun «Kassensturz» ha dà schletas notas al bogn. La raschun era però ina lingia d'aua defecta ed alura svelt reparada.
2021
La pandemia ha er tutgà il Bogn Engiadina Scuol. Uschia è il bogn restà serrà durant circa in mez onn. Il di da la reavertura è pia stà in di spetgà e spezial.
2022 -2026
Cun il ritmus da sanaziuns da mintga trais onns vegnan adina dapli renovaziuns fatgas. Igl è ina da las sfidas dal BES da restar adina sin in nivel modern e da investir bain ils daners cuntanschids.
Il pli nov project vegn uss realisà en il Bogn Engiadina Scuol, la sauna vegn renovada cumplettamain e resta serrada fin il cumenzament d'october 2026, l'autra part dal bogn è però averta a partir dal mez da matg.
2024
Scuol ha prolungà la cunvegna da prestaziun cun il Bogn Engiadina a Scuol (BES). La radunanza communala ha concedì ina contribuziun da manaschi da 11,8 milliuns francs per ils onns 2026 fin 2030.
Questa contribuziun duai vegnir investida en il mantegniment e l'optimaziun da l'infrastructura dal BES. Uschia duai il bogn da cura d'aua minerala er vinavant pudair garantir ina purschida attractiva da bogn e wellness per la populaziun ed giasts turistics.