Impressiuns da Chalandamarz a Lai
-
Bild 1 von 14. Bildquelle: RTR.
-
Bild 2 von 14. Bildquelle: RTR.
-
Bild 3 von 14. Bildquelle: RTR.
-
Bild 4 von 14. Bildquelle: RTR.
-
Bild 5 von 14. Bildquelle: RTR.
-
Bild 6 von 14. Bildquelle: RTR.
-
Bild 7 von 14. la gruppa da «Nostalgia» en vestgadira tradiziunala e cun chauras. Bildquelle: RTR.
-
Bild 8 von 14. Bildquelle: RTR.
-
Bild 9 von 14. Bildquelle: RTR.
-
Bild 10 von 14. Bildquelle: RTR.
-
Bild 11 von 14. Bildquelle: RTR.
-
Bild 12 von 14. Bildquelle: RTR.
-
Bild 13 von 14. Bildquelle: RTR.
-
Bild 14 von 14. Bildquelle: RTR.
Il pli davant dal til da Chalandamarz tras Lai va in char tratg da chavals, ed en quel pon ils uffants da la scolina seser. Lura seguan ils uffants pli vegls cun chars, mintga classa ha decorà in agen char cun differentas colurs da fluras da palpiri.
Ils uffants e giuvenils han tuts e tuttas differentas lezias. In pèr van a reparter primulas, auters repartan favettas, pastizarias tradiziunalas – ed autras van lura cun la cassa a ramassar raps. Ils auters uffants van cun stgellas, plumpas e brunsinas en lur chamischas blauas e chapitschas cotschnas faschond canera tras il vitg – ed adina puspè aud'ins insatgi a schluppar la giaschla.
L’emprim èsi schon in pau curius da vegnir fotografà da tantas persunas estras, ma ins s’endisa spert vi da quai.
Ina gruppa speziala che vegn elegida mintg’onn nova da la magistraglia è la gruppa «Nostalgia», quai èn scolaras e scolars che han emprais fitg bler davart l'usit da Chalandamarz ed han uschia gudagnà il premi da sa pudair vestgir en la vestgadira tradiziunala ed ir cun chauras en il til. Quels uffants fan la damaun ed il suentermezdi era ina preschentaziun nua ch'i decleran il Chalandamarz.
Ina festa per il turissem?
La magistra Letizia Collet è da la partida dapi bunamain 15 onns e raquinta, ch'avant in pèr onns n'era la festa betg uschè ina gronda tradiziun. Ed il Chalandamarz a Lai fiss bunamain ì a perder. Grazia al magister Lukas Moos che ha mussà in grond engaschament, ha la tradiziun dentant puspè survegnì schlantsch ed è uss in impurtant di da l'onn a Lai.
Cler ch'i è era per il turissem e pervia dals raps – dentant betg mo perquai.
Sch'ins guardà pro al til bad'ins spert – era ils turists e las turistas èn gronds fans da Chalandamarz e fan fotografias e filman ils uffants en lur costums. Igl è in enorm travasch sin via e sin las plazzas, uschia ch'ins na vesa bunamain betg ils uffants a chantar.
Quai saja dentant ad uschia ina occurrenza sco Chalandamarz insatge fitg bel, di la magistra Letizia Collet, e ch'era per ils uffants fetschia quai il til pli spezial. La saira van lura anc la 5avla e 6avla classa tras tut ils hotels a Valbella a chantar, ed uschia ramassan els era raps per lur cassa da scola.
Jau na dumond betg gugent per raps, ma igl è bel sche nus avain els per noss viadi da scola.
La via nua ch'il til va numnadamain tras è dal tuttafatg plaina, e quai maina era blers raps per las classas. Quels dovran ils scolars e las scolaras lura per lur viadis da scola. E para dettian ils turists e las turistas spezialmain bler raps, mintgatant notas da 50 u perfin da 100 francs. Il bel saja dentant da far in plaschair ad auters cun regalar ad els fluras u las favettas. Ed il chantar, quai saja ina da las pli bellas parts dal Chalandamarz.