Siglir tar il cuntegn

Header

halla da gimnastica nua che persunal medicinal fa tests da corona
Legenda: Keystone
cuntegn

Chantun Tests da massa mussan effects marcants

Ils tests da massa dal Grischun ed il lockdown en la gastronomia han mussà in effect cler. En il Grischun dal sid èn las cifras da las novas infecziuns idas enavos. Concret hai dà 73% pli paucas novas infecziuns cun sintoms cumpareglià cun l'emna avant. 192 persunas hajan ins pudì isolar a temp.

Pervi dal grond dumber da cas da corona en il Grischun èn vegnids fatgs tests da massa tranter ils 11 e 18 da december en il sid dal chantun.
Quels avevan mussà che sis vischnancas en las regiuns da Malögia, Bernina ed Engiadina Bassa/Val Müstair avevan ina rata da cas positivs sur la media. En consequenza da quai hajan ins ordinà en trais lieus tests posteriurs tar passa 2'000 persunas. Tar 42 persunas hajan ins chattà il virus.

Sper ils tests èn era vegnidas fatgas 144 controllas da fatschentas.
Quellas han mussà ch'ils concepts da protecziuns vegnan resguardads bain.
L’entschatta da schaner prenda il chantun en servezzan nov centers da test regiunals fixs. La finamira saja da chattar tantas persunas sco pussibel per chattar infectads a temp ed isolar questas persunas.

Per tadlar curt e concis:

RTR novitads 18:00

Artitgels legids il pli savens

Scrollar a sanestra Scrollar a dretga