Siglir tar il cuntegn

Header

Il suveran decida davart trais votaziuns federalas e numerusas votaziuns communalas.
Legenda: Votaziuns ed elecziuns Il suveran decida davart trais votaziuns federalas e numerusas votaziuns communalas. RTR, grafica
cuntegn

Votaziuns Il suveran decida questa dumengia

  • Il suveran decida davart numerusas votaziuns communalas.
    Legenda: Votaziuns communalas Il suveran decida davart numerusas votaziuns communalas. RTR, grafica

    Votaziuns communalas

    En numerusas vischnancas decida la populaziun dal Grischun davart differentas fatschentas. Insaquants exempels: En il Partenz han anc 5 vischnancas da decider, sch'ellas vulan sa participar a la fasa da preparaziun dal parc da natira Reticon. En 5 vischnancas n'ha il parc enfin ussa survegnì nagin sustegn. A San Murezzan duain persunas da l’UE/EFTA, che stattan dapi almain 5 onns en Svizra, u persunas da terzs stadis che stattan dapi 10 onns en Svizra, survegnir il dretg da vuschar. Il suveran decida davart la revisiun da la constituziun communala. A Zezras decida il suveran davart in credit da 4,8 milliuns francs. Cun quels daners vul la vischnanca cumprar parts dal chastè en il center dal vitg sco era il parc latiers.

  • Tgi che va tras il spazi public duai mussar sia fatscha. Quai è la pretensiun centrala da l’iniziativa.
    Legenda: Scumond da cuvrir la fatscha Tgi che sa mova en il spazi public, duai mussar sia fatscha. Quai è la pretensiun centrala da l’iniziativa. keystone

    Iniziativa per scumandar da cuvrir la fatscha

    Tgi che sa mova en il spazi public duai mussar sia fatscha. Quai è la pretensiun centrala da l’iniziativa. Lantschà l’iniziativa ha l’uschenumnà Comité da Egerkingen. Quella gruppa che vala sco gruppaziun dretga ha er gia lantschà l’iniziativa cunter minarets novs dal 2009.

  • Per identifitgar ina persuna en l’internet manca anc in proceder standardisà. Quai duai la lescha davart l'identificaziun electronica midar.
    Legenda: E-id Per identifitgar ina persuna en l’internet manca anc adina in proceder standardisà. Quai duai la lescha davart l'identificaziun electronica midar. Keystone

    Lescha davart l’identificaziun electronica

    Ina e-ID è da principi il medem sco ina carta d'identitad – simplamain en varianta electronica. La lescha davart l'identificaziun electronica duai crear la basa legala per ina carta d'identitad electronica renconuschida da la Confederaziun. Crititgà vegn in pussaivel maldiever da datas.

  • L'Indonesia saja in partenari da commerzi empermettent, manegia il Cussegl federal ed il parlament. Perquai vulan els promover import ed export. Critica datti surtut pervia da l'ieli da palmas.
    Legenda: Bajegiar giu ieli da palmas en l'Indonesia L'Indonesia saja in partenari da commerzi empermettent, manegia il Cussegl federal ed il parlament. Perquai vulan els promover l'import e l'export. Critica datti surtut pervia da l'ieli da palmas. Keystone

    Cunvegna economica tranter ils stadis da l’EFTA e l’Indonesia

    L'Indonesia saja in partenari da commerzi empermettent, manegia il Cussegl federal ed il parlament. Perquai vulan els promover l'import e l'export. Critica datti dentant surtut pervia da l'ieli da palmas.

RTR al puls da las votaziuns

Avrir la boxSerrar la box
RTR al puls da las votaziuns

RTR tegna sin il current davart decisiuns communalas e federalas:

  • Sin www.rtr.ch chattais tut ils resultats, graficas ed analisas
  • Decisiuns impurtantas porscha era social media cun #votaziuns
  • Las novitads al radio rapportan mintg'ura dal pli actual
  • Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
  • Il Telesguard resumescha las decisiuns a las 17:40 sin SRF 1

RTR novitads 12:00++;

Artitgels legids il pli savens

Scrollar a sanestra Scrollar a dretga