Dad esser voluntaria per la Brassweek a Samedan è per Anna Bisaz insatge bel. Ella è part dal comité d’organisaziun da la emna da musica. Cun 21 professurs e professiunals dad instrumaints, ch'instrueschan radund 100 laics en l’uschenumnà curs da maisters è Samedan in Mecca per la musica da brass.
Lavur multifara
Anna Bisaz è responsabla per il cudeschet da program, ma era per autra roba. Uschia po ella era beneventar las participantas e participants, guardar che quellas e quels han ils alloschis. Ma era durant ils numerus concerts che l’evenimaint sporscha mintga di durant l’emna gida ella nua che fa basegn.
Per mai è la lavur da voluntaria insatge che jau fatsch gugent senza studegiar sche jau vain paja u betg.
Ma i fa basegn dad esser flexibla. Mintgamai pon capitar discletgs avant e durant l’emna.
In di memia baud
Atgnamain rivan ils participants e participantas adina durant la prima dumengia da la Brassweek. Però è in giuven participant da la Spagna rivà gia in di memia baud. Anna Bisaz ha alura organisà ed ha controlla l’alloschi, sche quel fiss pront per l’artist. Cun ir a clamar il giuven en ina sala da prova ha quel suna en quel mument il clavazin. E tenor Bisaz fitg bel, ch'ella ha gist pudì giudair quest mument musical intim.
Tut emna plain musica
En tut quest’emna da musica è Anna Bisaz pero era mo da la partida, sche ils participants fan concerts per preschentar quai ch’ins ha elavurà durant las lecziuns cun ils professurs e professiunals dals instrumaints da brass. Per ella era ina sort paja per la lavur co voluntaria durant la Brassweek a Samedan.