Sur 20’000 entradas ha il festival da musica electronica SunIce sur San Murezzan pudì registrar. Il festival ha era festivà il tschintgavel anniversari.
Bundant 40 DJs èn sa preschentads durant ils trais dis en duas tendas ed in palc sut il tschiel blau. Er il DJ engiadinais Massimo Gurini ha mess si sia musica en ina tenda.
Impressiuns dal SunIce
-
Bild 1 von 7. Bildquelle: RTR.
-
Bild 2 von 7. Bildquelle: RTR.
-
Bild 3 von 7. Bildquelle: RTR.
-
Bild 4 von 7. Bildquelle: RTR.
-
Bild 5 von 7. Bildquelle: RTR.
-
Bild 6 von 7. Bildquelle: RTR.
-
Bild 7 von 7. Bildquelle: RTR.
Otg onns istorgia
Tranter il DJ e l'organisaziun dal festival SunIce hai gia dà contact avant il 2018. En il studio dal musicist – sa regorda il mainagestiun dal festival, Loris Moser – avevan els discurrì co pudair far in grond festival.
Jau ma regord che nus eran en il studio da Massimo e pensavan co far in grond festival. Che quel vegnia uschè grond na vessan nus betg pensà.
Era per il DJ engiadinais Massimo Gurini èn quai stads bels temps. Tut era pli pitschen e tuts ch'han gidà in a l’auter. El ha adina sustegnì Loris Moser e ses team fin che quels han mess en chomma il grond festival da musica electronica SunIce.
Uss è il SunIce cun ses trais palcs grond. Cler speresch jau che quel possia era vinavant crescher.
Durant ils trais dis dal festival ha l'organisaziun enturn Loris Moser pudì vender 8’000 tickets per di.
Bell'aura e bun'atmosfera
Ils dis en l'Engiadin’Ota eran bels, e cun las temperaturas da maximalmain 10 grads n'avevan las visitadras ed ils visitaders betg da patir fraid. Loris Moser spera, ch'era per la sisavla ediziun da l'onn proxim possia beneventar puspè numerus giasts al festival SunIce.