Siglir tar il cuntegn

Header

audio
San Murezzan ha desditg il contract cun ESTM
Or da Novitads dals 10.12.2020.
laschar ir. Durada: 02:20 minutas.
cuntegn

Organisaziun turistica San Murezzan ha desditg il contract cun la ESTM

San Murezzan vul ina organisaziun da turissem pli effizienta. Sin recumandaziun da la cumissiun da turissem ha la suprastanza communala perquai desditg il contract cun la Engiadina San Murezzan SA (ESTM) sin la fin dal 2022. Durant ils proxims dus onns vul la vischnanca uss ensemen cun tut ils posts responsabels per il turissem sviluppar ina organisaziun effizienta per San Murezzan.

Management da turissem memia plaun

I na giaja cun quel pass dentant betg per terminar la collavuraziun cun la ESTM. Il cuntrari saja il cas, San Murezzan saja avisà sin ina organisaziun turistica surordinada ch'elavureschia ils temas da la destinaziun da San Murezzan, uschia vegn cità il suprastant Martin Berthod en la communicaziun da la vischnanca.

Cun il management da turissem actual sajan ins simplamain memia plaun. I sajan involvids plirs post cun cumpetenzas betg adina cleras. Quai mainia a lavur dubla ed a frustraziuns. La lavur da coordinaziun saja memia gronda ed ils partenaris na sappian betg adina, a tgi ch'els hajan da sa drizzar, argumentescha la suprastanza da San Murezzan la decisiun.

RTR novitads 14:00

Artitgels legids il pli savens

Scrollar a sanestra Scrollar a dretga