Il project da revitalisaziun da l'En a Schlarigna è terminà e cun quai pront in ulteriur'etappa dal pli grond project da renaturalisaziun en Svizra. L'intent è da meglierar las relaziuns ecologicas enturn il flum e d'augmentar la segirezza cunter auas grondas. Per quai han ins gì d'allontanar er a Schlarigna il corset dal flum ch'era vegnì construì ils onns enturn il 1900 ord motivs da quella giada raschunaivels, uschia il president communal da Schlarigna, Christian Brantschen.
Il project ch’era vegnì preschentà avant passa tschintg onns, preveseva mesiras extendidas per augmentar la valur dal sectur dal flum.
Per mintga generaziun era quai il gist. Pli baud era la populaziun surtut avisada sin terren agricul. Ozendi cun adina puspè privels d'auaziuns, èn ins vegnids a la conclusiun da dar puspè dapli spazi a l'aua ed uschia er stgaffir nov lieu per flora e fauna.
La finanziaziun da 4,8 milliuns francs è vegnida sustegnida fermamain dal chantun. Tuttina ha la scuverta d'ina deponia veglia manà ad ina redimensiun dal project. Quai per evitar custs auts da sanaziun.
Realisaziun ed adattaziuns
Las lavurs en ils secturs «Miez» e «Sut» èn vegnidas realisadas cun success. Il sectur dal Hotel Rosatsch fin a la Punt dals bovs è vegnì augmentà cun novas structuras da riva e cun ina via per peduns. Il sectur «Sura» n’ha dentant betg pudì vegnir midà sco planisà pervia da la deponia.
Or da l'archiv:
La fin dal project da renaturalisaziun a Schlarigna è vegnida festivada cun ina festa d’inauguraziun per tut la populaziun.