Il milan cotschen, ma er il milan nair, èn durant la stad dachasa en l'Engiadina. Grazia al midament dal clima è quest utschè adina pli savens visibel en l'Engiadina Bassa ed er en l'Engiadin'Ota.
En l'entira Svizra vivan tranter 2'800 e 3'000 pèrins, quai oravant tut perquai ch'il milan è protegì dapi ils onns 1970.
Il 2024 ha la Staziun ornitologica svizra da Sempach pudì confermar per l'emprima giada in cuaditsch en Engiadina Bassa.
Il milan ch'è in utschè da passagi – sgola durant ils mais d’enviern en direcziun da la Frantscha dal Sid e da la Spagna. Tar milans creschids datti però era da quels che restan sur tut l’onn en Svizra - quai oravant tut en la Bassa.
En l'Engiadina restan els mo durant la stad, la naiv cuverna l'enviern il fund uschia ch’el na chatta betg avunda nutriment per surviver.