Durant il temp da scola èn ils uffants mess sut tetg ed ils geniturs pon sa deditgar a lur lavurs. Auter è quai durant las sis u set emnas vacanzas da stad. Lura ston ils geniturs guardar sezs da lur uffants – e quai tut segund durant durant 24 uras. Surtut per famiglias cun uffants cun impediments po quai esser fitg intensiv.
In'invista en il center da pedagogia speziala Giuvaulta a Susch mussa in mintgadi da scola in zic auter. La scola è in lieu per uffants cun basegns d'assistenza pli auts che auters. Ma era scolas spezialisadas na pon betg cuvrir tut il temp liber u schizunt tut il temp da vacanzas.
In exempel d'in scolar da la scola è David, el ha 14 onns ed è in mat fitg activ. Sia gronda passiun èn aviuns. El ha frequentà la scola communala cun sustegn da pedagogs curativs. Sin il stgalim superiur èsi sa mussà ch'ina scola speziala saja il model il pli adattà per el.
Cuntrari ad auters uffants en sia vegliadetgna dovra David pli u main adina persunas ch’èn en vischinanza che fan tarmagls cun el. En ses cas vegnian sia tatta e ses cusrins che vivan en il Portugal a vegnir en acziun, quinta David.
Nagina rait famigliara
Dentant betg tut ils geniturs han parents u enconuschents che vegnan en dumonda per pertgirar lur uffants e quai po chaschunar problems. Ed instituziuns, sco per exempel il center da pedagogia speziala Giuvaulta, na pon betg surpigliar pli ch’in tant incumbensas che pertutgan il temp liber. La consequenza po esser ch'ils uffants na survegnan betg adina ina tgira adequata. Quai cunzunt per famiglias che n'han betg ina rait da famiglia en la vischinanza.